U vyniku kradziažu z uzłomam u Birminhiemie źnik prykvieł da epapiei pra Hary Potera, jaki Džoan Roŭlinh napisała na paštoŭcy.
Tekst byŭ napisany ałoŭkam na abodvuch bakach paštoŭki farmatu A5 dzieviać hadoŭ tamu i pradadzieny na aŭkcyjonie za 25 tysiač funtaŭ.
U hetaha prykveła niama nazvy. U tekście raspaviadajecca pra baćku Hary Džejmsa Potera i jaho chrosnaha baćku Siryusa Błeka, dziejańnie adbyvajecca za try hady da naradžeńnia Hary Potera.
Tekst i juvielirnyja vyraby byli skradzienyja z 13 pa 24 krasavika, zajavili ŭ palicyi Zachodniaha Midłend.
Palicyja vypuściła admysłovuju zajavu z prośbaj paviedamlać lubuju infarmacyju, źviazanuju z hetym złačynstvam.
«Adzinyja ludzi, zacikaŭlenyja ŭ nabyćci hetaha teksta, heta sapraŭdnyja fanaty Hary Potera», - udakładnili ŭ palicyi.
Prykvieł byŭ siarod niekalkich litaraturnych rabot, achviaravanych ich aŭtarami dla akcyjona 2008 hoda ŭ dapamohu anhlijskamu PIEN-kłubu.
