Sud u Baku pryniaŭ rašeńnie zabłakavać ŭ Azierbajdžanie sajt Azierbajdžanskaj słužby «Radyjo Svaboda» («Azadłyh») i sajty jašče čatyroch ŚMI, paviedamlaje VVS.
Akramia «Svabody» pad zabaronu patrapili hazieta «Azadłyh», i telekanały, jakija viaščajuć u internecie — «Mejdan TB», «Turan TB» i «Azierbajdžan saaty».
Hetyja sajty zmohuć praciahvać dziejnaść pad novymi damiennymi imionami, rašeńnie suda tyčycca tolki starych adrasoŭ.
Sudovaje rašeńnie było pryniataje na padstavie zvarotu ministerstva transpartu, suviazi i vysokich technałohij.
U ministerstva ŭ svaju čarhu źviarnułasia hienieralnaja prakuratura krainy: sajty abvinavačvajucca ŭ sprobach arhanizavać masavyja biesparadki, a taksama ŭ «destruktyŭnych dziejańniach, nakiravanych na parušeńnie hramadskaj stabilnaści».
Akramia taho, ułady abvinavacili sajty, jakija trapili pad zabaronu, u padtrymcy radykalnych relihijnych hrup i raźmiaščeńni zabaronienaj infarmacyi, a taksama «ŭ padryvie intaresaŭ dziaržavy i hramadstva».
ŚMI, čyje sajty byli zabaronienyja, adprečvajuć hetyja abvinavačvańni.
Błakavańnie maje pastajanny charaktar i moža być źniataje tolki pa rašeńni ministerstva suviazi.
