U Cchinvali prybrali, pakinuli stajać tolki padbity hruzinski tank
Žyćcio ŭ horadzie patrochi naładžvajecca
U bajach byli razburanyja mnohija žyłyja damy.
Na hety momant Paŭdniovuju Asieciju pakinuli amal 26 tys. čałaviek. Pra heta «Hazietie.Ru» paviedamili va ŭpraŭleńni MNS pa Respublicy Paŭnočnaja Asiecija – Ałanija i Ministerstvie achovy zdaroŭsia kraju. Usiaho pa medyčnuju dapamohu źviarnuŭsia 401 čałaviek, ź ich u bolnicach znachodziacca 369 čałaviek. 60 čałaviek špitalizavana ŭ Cchinvali.
Źviestki pra kolkaść zabitych pakul nie paviedamlajucca.
Učora Rasieja pryznała stratu 32 vajskoŭcaŭ.
U niadzielu hruzinski bok zajaŭlaŭ pra śmierć 85 svaich hramadzianaŭ, ź ich 45 vajskoŭcaŭ. Ličba achviaraŭ bajoŭ u niadzielu-aŭtorak nie ahałošvałasia. Žurnalisty miarkujuć, što mnoha ludziej mahło zahinuć u hruzinskich siołach vakoł Cchinvali, ź jakich pačaŭsia hruzinski rejd na horad. Paźniej jany byli zrujnavanyja ahniom rasijskaj avijacyi i artyleryi.
U samim Cchinvali, jaki zusim nie padobny da adnoj vialikaj varonki, piša gazeta.ru, abvieščanaja kamendanckaja hadzina, žyćcio viartajecca ŭ narmalnaje rečyšča. Tolki ŭ adnoj z čaścinaŭ horadu dahetul staić padbity hruzinski tank, vakoł jakoha raskidanyja frahmenty ciełaŭ. Žychary horadu admaŭlajucca chavać zabitych hruzinskich vajskoŭcaŭ.
