«Viečary Vialikaha teatra ŭ zamku Radziviłaŭ» vośmy raz źbiaruć haściej u Niaśvižy, paviedamili BIEŁTA ŭ Nacyjanalnym akademičnym Vialikim teatry opiery i baleta Biełarusi.
Viktar Skorabahataŭ u Kaściole Božaha Cieła 23 červienia pradstavić prahramu «Biełaruski kłasicyzm», a viečaram va ŭnutranym dvoryku zamka balet Adolfa Adana «Žyzel, abo Vilisy» (maestra — Mikałaj Kaladka) adkryje fiestyval.
Na druhi dzień u Teatralnaj zale zamka Radziviłaŭ Taćciana Traćciak, Uładzimir Piatroŭ, Taćciana Haŭryłava, Eduard Martyniuk i strunny kvintet «Sierenada» buduć śpiavać pra kachańnie. Viečaram na impravizavanaj scenie va ŭnutranym dvoryku razharacca sicylijskija straści: hledačy ŭbačać opieru Pjetra Maskańji «Sielski honar». Premjera hetaha śpiektakla Michaiła Pandžavidze prajšła 30 krasavika.
Na scenie Teatralnaj zały zamka dyryžor Ivan Kaściachin i režysior Alena Miedziakova 25 červienia pradstaviać hledačam svaju niadaŭniuju pastanoŭku — kamiedyjnuju opieru Haetana Daniceci Viva la Mamma! Roli vykanajuć: Mama Ahata — Andrej Klipo, Łuidžyja — Alena Tabolič, Režysior — Dzianis Jancevič, Maestra - Siarhiej Łazarevič, Karyła — Alena Zołava, Darateja - Kryskiencija Stasienka, Huljelma — Alaksandr Žukaŭ.
Zavieršycca trochdzionnaje śviata hrandyjoznym «Radziviłaŭskim balem». Hała-kancert rychtuje dyryžor Andrej Hałanaŭ.
Kamientary