«Tvoj dzień nadydzie». Finskija fanaty na matčy sa zbornaj Biełarusi razharnuli antyłukašenkaŭski banier
29 vieraśnia na Alimpijskim stadyjonie ŭ Chielsinki zbornaja Biełarusi pa futbole hulaje suprać zbornaj Finlandyi ŭ matčy Lihi nacyj UEFA. Zaŭziatary finskaj zbornaj da hetaj hulni admysłova padrychtavalisia, piša «Trybuna».
Paśla pačatku hulni na trybunach źjaviŭsia vialiki banier z nadpisam Sun päiväs koittaa, što možna pierakłaści ź finskaj movy jak «Tvoj dzień nadydzie». Jaho źmiest havoryć sam za siabie.
Futbolnaja asacyjacyja Finlandyi raniej abviaściła, što ŭvieś čysty prybytak ad hulni budzie pieraličany arhanizacyi «Ukraincy ŭ Finlandyi». Pierad tym finy ŭvohule chacieli pravieści matč pa-za miežami krainy, adnak urešcie admovilisia ad takoha rašeńnia.
Zrešty, asablivaj cikavaści matč nie vyklikaŭ, na jaho pradali tolki 6500 kvitkoŭ. Pry hetym Alimpijski stadyjon moža źmiaścić 36 tysiač hledačoŭ.
Zbornaja Finlandyi raźminałasia ŭ majkach «My vystupajem za mir». Na trybunach zaŭvažyli adrazu niekalki ŭkrainskich ściahoŭ, a na fan-siektary finaŭ — taksama bieł-čyrvona-bieły.
Dziaržaŭny himn Biełarusi trybuny sustreli śvistam, a pierad startam hulni fanaty zaśpiavali «Pucin — ch****».
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
[Zredahavana]