Dziaržaŭnaja duma Rasii pryniała ŭ trecim čytańni zakonaprajekt vice-śpikiera Iryny Jaravoj ab kryminalnaj adkaznaści za stvareńnie «hrup śmierci» ŭ sacsietkach. Za dakumient prahałasavali 408 deputataŭ, suprać nie vykazaŭsia nichto.
Dakumient byŭ uchvaleny Dumaj za dva miesiacy, padčas abmierkavańnia ŭ jaho ŭnieśli tolki techničnyja źmieny. Pry hetym ŭrad prapanoŭvaŭ skarektavać niekatoryja farmuloŭki, jakija ŭstupajuć u kanflikt z užo isnujučymi artykułami Kryminalnaha kodeksa.
Paśla adabreńnia zakonaprajekta ŭ Radzie Fiederacyi i padpisańni prezidentam u Kryminalnym kodeksie źjaviacca try novyja artykuły: pra schileńnie da samahubstva ci dapamahańni ŭ samahubstvie; ab arhanizacyi skłanieńnia da samahubstva; ab uciahvańni niepaŭnaletnich u dziejnaść, jakaja pahražaje ich žyćciu.
