Prezident Nacyjanalnaha alimpijskaha kamiteta Alaksandr Łukašenka siońnia ŭ čas Alimpijskaha schodu NAK Biełarusi raskrytykavaŭ spartyŭny telekanał «Biełaruś 5» i daručyŭ viarnucca da stvareńnia jašče adnaho kanała, zapusk jakoha płanavała asacyjacyja «Biełaruskaja fiederacyja futboła».
Na dumku kiraŭnika dziaržavy, dadatkovaja kankurencyja prymusić ŭdaskanalvacca dziaržaŭny telekanał «Biełaruś 5», jakomu jašče šmat čaho nieabchodna dasiahnuć: ad jakaści aśviatleńnia spartyŭnych padziej da ŭzroŭniu kamientataraŭ. «U nas «Biełaruś 5» — kanał, budziem kazać adkryta, nijaki. Jany pa dziesiać razoŭ kruciać adnu i tuju ž hulniu nianašych spartsmienaŭ, — adznačyŭ Alaksandr Łukašenka. — Nu, dobra, pakazali ŭ paŭfinale, finale — heta vialikija spartoŭcy. Ale amal z kvalifikacyi biaruć hetych spartsmienaŭ — chto heta hladzieć budzie?»
Staršynia asacyjacyi Siarhiej Rumas prainfarmavaŭ kiraŭnika dziaržavy, što, naprykład, u Polščy, isnuje kala 50 spartyŭnych telekanałaŭ, pryčym častka ź ich pryśviečana vyklučna futbołu.
«Adzin kanał nie ŭ stanie pakazvać navat častku sportu, jaki ŭ nas jość, nie kažučy ŭžo pra futboł. Nikoli «Biełaruś 5» nie zmoža pakazać vyšejšuju lihu ŭsiu abjektyŭna. My chočam zrabić kanał na bazie Setanta Sport, jaki ŭžo jość u knopkach. I my, napeŭna, adzinaja fiederacyja, jakaja ŭ stanie padciahnuć hety kapitałajomisty prajekt», — skazaŭ Siarhiej Rumas.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary