Ludzi ŭ śviecie ŭžyvajuć ŭsio mienš ałkaholu, havorycca ŭ spravazdačy International Wine and Spirits Record, składalniki jakoha adsočvajuć hłabalnaje spažyvańnie ałkaholnych napojaŭ, paviedamlaje VVS.
Z-za padzieńnia prodažaŭ piva na 1,8% suśvietny rynak prodažu ałkaholnaj pradukcyi skaraciŭsia na 1,3% ŭ 2016 hodzie.
Prodažy sidru paśla niekalkich hadoŭ rostu taksama ŭpali na 1,5%.
U papiarednija piać hadoŭ padzieńnie prodažaŭ trymałasia na ŭzroŭni 0,3%, tak što źviestki 2016 hoda śviedčać ab značna bolš surjoznych prablemach dla vytvorcaŭ ałkaholnaj pradukcyi.
Pavodle źviestak spravazdačy, prodažy vina ŭ siarednim znachodziacca na tym ža ŭzroŭni, prodažy mocnych napojaŭ vyraśli na 0,3%.
Choć, pavodle źviestak MVF, suśvietny abjom VUP vyras na 3,5% u 2016 hodzie, a ekanamičnaje raźvićcio zvyčajna kareluje z pavyšeńniem abjomaŭ spažyvańnia ałkaholu, u troch krainach z bujnymi ekanomikami - Rasii, Kitai i Brazilii - nazirałasia zapavoleńnie rostu abo recesija.
Prodažy piva ŭ Rasiei źmienšylisia na 7,8%, u Brazilii - na 5,3%, u Kitai - na 4,2%.
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary