U Breście inśpiektara DAI pryciahnuli da dyscyplinarnaj adkaznaści za dziŭnyja žesty na pierakryžavańni.
19 maja na imia načalnika DAI UUS Bresckaha abłvykankama Siarhieja Tałataja ad redaktara partała «Realny Brest» Dzianisa Maruka pastupiła skarha, u jakoj jon prasiŭ dać acenku i pravieści pravierku ŭ dačynieńni da žestaŭ rehuliroŭščyka, jaki pakazvaje na pierakryžavańni vulicy Maskoŭskaj i Partyzanskaha praśpiekta ŭ Breście nie zusim vyraznyja žesty.
— Praanalizavaŭšy PDR, ja vyrašyŭ, što dadzienyja žesty tolki nahadvajuć tyja, jakija patrabujecca pakazvać vyrazna na vyciahnutaj ruce ŭ abodvuch vypadkach. Z adlehłaści kiroŭcam i piešachodam moža zdacca, što «žoŭty» ŭ kanfihuracyi ź siarednim palcam na žaźle, vyciahnutym ŭvierch, z sahnutaj u łokci ruce, a nie vyciahnutaj nad hałavoj pavodle PDR, moža nasić abraźlivy charaktar. Druhi žest taksama vykanany niezdavalniajuča: pravaja ruka, jakaja ŭkazvaje napramak ruchu, nie vyciahnuty, jak taho patrabujuć praviły darožnaha ruchu, a da łokcia ad plača prycisnutaja da cieła. Z adlehłaści, a taksama pry drennaj bačnaści takija žesty mohuć uvieści kiroŭcaŭ u zman, što moža spryjać uźniknieńniu avaryjna niebiaśpiečnaj situacyi na darohach Bresta, - paviedamiŭ Dzianis Maruk.
U DAI UUS Bresckaha abłvykankama razhledzieli skarhu. Za nienaležnaje vykanańnie słužbovych abaviazkaŭ inśpiektara DPS pryciahnuli da dyscyplinarnaj adkaznaści.
Kamientary