У Брэсце інспектара ДАІ прыцягнулі да дысцыплінарнай адказнасці за дзіўныя жэсты на перакрыжаванні.
19 мая на імя начальніка ДАІ УУС Брэсцкага аблвыканкама Сяргея Талатая ад рэдактара партала «Рэальны Брэст» Дзяніса Марука паступіла скарга, у якой ён прасіў даць ацэнку і правесці праверку ў дачыненні да жэстаў рэгуліроўшчыка, які паказвае на перакрыжаванні вуліцы Маскоўскай і Партызанскага праспекта ў Брэсце не зусім выразныя жэсты.
— Прааналізаваўшы ПДР, я вырашыў, што дадзеныя жэсты толькі нагадваюць тыя, якія патрабуецца паказваць выразна на выцягнутай руцэ ў абодвух выпадках. З адлегласці кіроўцам і пешаходам можа здацца, што «жоўты» ў канфігурацыі з сярэднім пальцам на жазле, выцягнутым ўверх, з сагнутай у локці руцэ, а не выцягнутай над галавой паводле ПДР, можа насіць абразлівы характар. Другі жэст таксама выкананы нездавальняюча: правая рука, якая ўказвае напрамак руху, не выцягнуты, як таго патрабуюць правілы дарожнага руху, а да локця ад пляча прыціснутая да цела. З адлегласці, а таксама пры дрэннай бачнасці такія жэсты могуць увесці кіроўцаў у зман, што можа спрыяць узнікненню аварыйна небяспечнай сітуацыі на дарогах Брэста, - паведаміў Дзяніс Марук.
У ДАІ УУС Брэсцкага аблвыканкама разгледзелі скаргу. За неналежнае выкананне службовых абавязкаў інспектара ДПС прыцягнулі да дысцыплінарнай адказнасці.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы22
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары