Alaksandr Łukašenka 8—9 červienia zrobić rabočy vizit u Kazachstan, dzie voźmie ŭdzieł u pasiadžeńni Savieta kiraŭnikoŭ dziaržaŭ — členaŭ Šanchajskaj arhanizacyi supracoŭnictva. Pra heta paviedamlaje pres-słužba prezidenta.
U svaim vystupie na samicie kiraŭnik dziaržavy ahučyć pazicyju biełaruskaha boku pa pytańniach dalejšaha raźvićcia arhanizacyi, u tym liku jaje ekanamičnaha vymiareńnia.
Łukašenka taksama prymie ŭdzieł va ŭračystaj cyrymonii adkryćcia mižnarodnaj śpiecyjalizavanaj vystavy «EKSPA - 2017» u Astanie, dzie pradstaŭleny i biełaruski paviljon. Aficyjna svoj udzieł u vystavie paćvierdzili bolš za 110 krain i kala 20 mižnarodnych arhanizacyj.
Akramia taho, zapłanavana dvuchbakovaja sustreča prezidenta Biełarusi z prezidentam Kazachstana Nursułtanam Nazarbajevym. Kiraŭniki dziaržaŭ abmiarkujuć paradak dnia biełaruska-kazachstanskich adnosin, uzajemadziejańnie ŭ intehracyjnych farmatach.
Kamientary