Ministr abarony ZŠA Džejms Mecis zajaviŭ na słuchańniach u kanhresie, što jon šakavany nizkaj bojehatoŭnaściu amierykanskaj armii.
Uviečary ŭ paniadziełak Mecis vystupiŭ na słuchańniach u kamitecie pałaty pradstaŭnikoŭ pa uzbrojenym siłam, dzie abmiarkoŭvaŭsia amierykanski abaronny biudžet na 2018 hod.
Kiraŭnik Pientahona zajaviŭ, što ŭzbrojenyja siły ZŠA majuć patrebu ŭ stabilnym finansavańni. «Nivodny vorah nie naškodzić našaj bojehatoŭnaści tak, jak skaračeńnie vydatkaŭ», — skazaŭ Mecis.
«Ja pajšoŭ z armii praz try miesiacy paśla taho, jak siekviestr ustupiŭ u siłu. Praz čatyry hady ja viarnuŭsia ŭ ministerstva — i byŭ šakavany tym, što ja ŭbačyŭ nakont našaj hatoŭnaści vajavać», — zajaviŭ ministr.
Pavodle jaho słoŭ, dla vypraŭleńnia situacyi uzbrojenym siłam ZŠA spatrebiacca hady stabilnaha finansavańnia.
