Міністр абароны ЗША Джэймс Мэціс заявіў на слуханнях у кангрэсе, што ён шакаваны нізкай боегатоўнасцю амерыканскай арміі.
Увечары ў панядзелак Мэціс выступіў на слуханнях у камітэце палаты прадстаўнікоў па узброеным сілам, дзе абмяркоўваўся амерыканскі абаронны бюджэт на 2018 год.
Кіраўнік Пентагона заявіў, што ўзброеныя сілы ЗША маюць патрэбу ў стабільным фінансаванні. «Ніводны вораг не нашкодзіць нашай боегатоўнасці так, як скарачэнне выдаткаў», — сказаў Мэціс.
«Я пайшоў з арміі праз тры месяцы пасля таго, як секвестр уступіў у сілу. Праз чатыры гады я вярнуўся ў міністэрства — і быў шакаваны тым, што я ўбачыў наконт нашай гатоўнасці ваяваць», — заявіў міністр.
Паводле яго слоў, для выпраўлення сітуацыі узброеным сілам ЗША спатрэбяцца гады стабільнага фінансавання.