LP
U francuzskim Bavilje (departamient Er i Łuar) mužčyna pryviazaŭ svaju žonku da rejek pierad ciahnikom, a zatym skončyŭ žyćcio samahubstvam, staŭšy na rejki. Pra heta sa spasyłkaj na krynicy, blizkija da rasśledavańnia, piša Le Parisien.
Cieły 37-hadovaha Hijoma i 34-hadovaj Emili (proźviščy zahinułych nie pryvodziacca) byli znojdzienyja ranicaj 12 červienia paśla taho, jak mašynist chutkasnaha ciahnika TGV, jaki ruchaŭsia z Paryža ŭ Nant, paviedamiŭ ab sutyknieńni.
Trup Emili byŭ raśsiečany na častki, a na nahach i zapiaściach znajšli ślady izastužki. Hijom, jak miarkujecca, pamior ad najezdu łakamatyva. Śledčyja pakul nie atrymali vyniki taksikałahičnaj ekśpiertyzy zahinułych.
U pary zastalisia čaćviora dziaciej, ź jakich troje - ad minułych šlubaŭ. Dziaciej u noč na 12 červienia zabrali ich dziadula i babula, jakim patelefanavaŭ Hijom. Zatym mužčyna zajechaŭ pa žonku, ź jakoj jon u hety momant žyŭ asobna.
Adznačajecca, što Hijom pakutavaŭ na depresiju, daktary dyjahnastavali ŭ jaho schilnaść da samahubstva. Pry hetym u palicyju na jaho skarhaŭ nie pastupała.
