Jak paviedamiŭ karespandentu BiełTA staršy opierupaŭnavažany hrupy pa raskryćci złačynstvaŭ u śfiery vysokich technałohij kryminalnaj milicyi AUS Śvietłahorskaha rajvykankama Jaŭhien Kazłoŭ, «u RAUS 15 maja źviarnulisia supracoŭniki Śvietłahorskaj CRB i paviedamili, što nieviadomaj asobaj tryma dniami raniej na sierviery balnicy byli zašyfravanyja ŭsie isnujučyja fajły. Dla rasšyfroŭki złamyśnik zapatrabavaŭ vypłatu ŭ sumie kryptavaluty 1VTS (bitkoin), što składaje $ 2,7 tys.
Hetyja hrašovyja srodki pavinny byli pieraličyć na pakazany ŭ paviedamleńni numar elektronnaha kašalka», — rastłumačyŭ jon. Supracoŭnik RAUS raspavioŭ, što na kampjutarnym sierviery balnicy była ŭstalavanaja licenzijnaja apieracyjnaja sistema z vychadam u internet i statyčnym IP-adrasam, ale abarony jak takoj nie było.
«Adbyłasia ataka šlacham pieraboru parolaŭ da słužby addalenaha pracoŭnaha stała. Z 17.22 11 maja da 13.48 nastupnaha dnia było zafiksavana 4625 sprobaŭ uvachodu ŭ sistemu. U 13.48 dostup da vydalenaha kiravańni byŭ atrymany: vierahodna, padabrany parol i łahin administratara. Šyfroŭka fajłaŭ skončyłasia ŭ 13.50. Heta značyć, za dźvie chviliny byŭ zašyfravany 13271 fajł, nieabchodny ŭ pracy. u kožnym katałohu byŭ stvorany tekstavy dakumient z tłumačeńniem: razbłakavać fajły možna, tolki vypłaciŭšy peŭnuju sumu. Samoha škodnasnaha PZ na sierviery vyjaŭlena nie było, tak jak paśla jaho vykarystańnia prahrama, pry dapamozie jakoj adbyłosia šyfravańnie fajłaŭ, była vydalenaja samim złamyśnikam. Na dadzieny momant zašyfravanyja fajły adnaŭleńniu nie padlahajuć», — rastłumačyŭ Jaŭhien Kazłoŭ.
Paśla zvarotu rabotnikaŭ CRB siervier byŭ kanfiskavany. U RAUS adznačyli, što dziejańni złamyśnika padpadajuć pad č.1 art.351 KK Biełarusi «Kampjutarny sabataž» z maksimalnym pakarańniem da piaci hadoŭ pazbaŭleńnia voli.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary