Viadomy muzyka Źmicier Sasnoŭski napisaŭ rezki post na staroncy ŭ fejsbuku, u jakim prahučała na adras poŭnych ludziej niamała kołkaściaŭ: «Vy — tłušč bijamasy, łajdačy adkid čałaviečaj materyi». My paprasili Źmitra patłumačyć, z čaho raptam jon začapiŭ hetuju temu.
«Heta maja žyćciovaja pazicyja. Ale kali ja pačuŭ, što 60% biełarusaŭ znachodziacca na miažy atłuścieńnia, a pad 30% pakutujuć na atłuścieńnie — heta stała apošniaj kroplaj. Jak byłomu spartoŭcu, mnie ŭ pryncypie niepryjemnyja łajdakavatyja ludzi, jakija niaŭvažliva staviacca nie tolki da svajho zdaroŭja, ale i da svajho źniešniaha vyhladu, — kaža muzyka. —
Heta łajdactva! Usie maje znajomyja z uzrostam stanoviacca puzatymi, hruznymi i prosta nieachajnymi. Ja pa žyćci čałaviek akuratny, i mnie heta nie padabajecca. Ja liču, što drenny, nieachajny vyhlad — prosta niepavaha da inšych. Pa-pieršaje, pa pryčynie źniešniaj. Pa-druhoje — heta chvaroba. Čałaviek svajo łajdactva pieratvaraje ŭ prablemu blizkich: jaho treba dahladać svajakam, na jaho lačeńnie dziaržava musić vydatkoŭvać hrošy. Ja liču heta amaralnym».
Na dumku spadara Sasnoŭskaha, adna z pryčyn, pa jakoj biełarusy pačali «raspłyvacca», — urbanizacyja.
«Heta pryviało da taho, što fizičnaj pracaj, fizičnym rucham ludzi zajmajucca ŭsio mienš i mienš. U pahoni za hetaj urbanizavanaj raskošaj i kamfortam biełarusy zabylisia na toje, što stanoviacca niejkim pudziłam, — praciahvaje dumku Źmicier. — Ja padbivaŭ niekatorych znajomych pajechać razam ci na viosku, fizična papracavać, ci na stadyjonie pabiehać — biezvynikova. Heta śviedčyć, u pieršuju čarhu, pra zaniapad impetu da žyćcia, žadańnia ŭdaskanalvacca i intelektualna, i fizična.
My ŭsio ž taki łajdaki, chaču adznačyć. Biełarusy — łajdaki. Možna biaskonca ŭschvalać nas, kazać, jakija my pracavityja, ale my — ehaisty i łajdaki. Ja lublu svaju nacyju i tolki tamu chaču kazać pra jaje prablemy. My pavinny nabracca samaŭpeŭnienaści, śmiełaści, kab havaryć pra našy niedachopy. Hetaje biaskoncaje samaŭschvaleńnie prosta śmiešnaje».
Muzyka kaža, što nie hanarycca svaimi žorstkimi i hrubymi vykazvańniami ŭ fejsbuku. Siońnia jon nazyvaje heta haniebnaj vychadkaj, jakuju b jon druhi raz nie paŭtaryŭ.
«Ja nie hanarusia svaimi žorstkimi i hrubymi vykazvańniami. Kali brać chryścijanskuju etyku, jakaja mnie impanuje, my nie majem prava asudžać. Tamu ja nie chacieŭ by asudžać. I hetuju svaju vychadku liču haniebnaj», — kaža jon.
Tym nie mienš, zaŭvažaje, što «narmalnyja ludzi pastavilisia narmalna, a na pakryŭdžanych vadu voziać».
«Ja tolki što byŭ u svajoj babuli ŭ vioscy, joj 92 hady. Jana ŭzdymajecca ŭ 6 hadzin, dahladaje haspadarku. Babula ŭsia žvavaja, niahledziačy na ŭzrostavyja chvaroby. I deviz jaje — treba varušycca, — dadaje Sasnoŭski. — Ja liču, što my z našym ciapierašnim staŭleńniem da takich uzrostaŭ nie dažyviom. Dziadula majoj žonki pamior u 96 hadoŭ. Jany žyli ŭ vioscy, jany ruchalisia».
Sam Źmicier rehularna byvaje na stadyjonie. Prabiehčysia, pazajmacca na turnikach — heta śviatoje.
«Šmat ludziej — chryścijanie, pahancy — havorać pra «miescy siły», dzie mocnaja enierhietyka. Miescy z krynicami, ź vielizarnymi vałunami. Ja chaču ŭpeŭnić, što miescam siły źjaŭlajecca stadyjon. Piać-šeść kiłamietraŭ biehu, zaniatki na turnikach i jašče kiłamietr-paŭtara biehu jak zaminka, užo pry kancy, — raskazvaje pra svoj spartovy raskład muzyka. — Pamiž ludźmi na stadyjonie jakraz samaja mocnaja enierhietyka. Ja na svaim sustrakaju i mužčyn, i žančyn, i dziaciej, jakija prychodziać, trenirujucca. Maje dzieci taksama himnastykaj zajmajucca».
Lepš za turniki i bieh dla Sasnoŭskaha chiba tolki płavańnie.
«Našy suśvietnyja hastroli dazvalajuć płavać u roznych akijanach, marach i dzie tolki možna. Płavać i płavać. Heta samaje lubimaje, bo ja zajmaŭsia płavańniem jašče ŭ škole alimpijskaha reziervu ŭ Homieli. Heta samaje lepšaje, što isnuje. Viartaje ŭ toje asiarodździe, ź jakoha my vyjšli i ŭ jakoje musim viarnucca».
* * *
Praź dzień paśla publikacyi materyjału Źmicier źviarnuŭsia da kamientataraŭ «Našaj Nivy»:
«Pieračytaŭ kamientary na «NN». Dla nie asabliva ŭvažlivych: u fejsbuku ja pisaŭ vyklučna pra kanapnych fanataŭ futboła i pra ščyrych apałahietaŭ pahanstva. U maim paście nie było ničoha dla chvorych i pra chvorych ludziej. Uražańnie, što admoŭnaja reakcyja na ŭsio — heta ŭžo masavy psichoz biełarusaŭ!»
-
«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie
-
Kavieryn: Ja dumaju, Cichanoŭski zapłakaŭ tamu, što cudoŭna razumieje: piać hadoŭ piekła byli daremnyja
-
Paźniak pryhadaŭ pra Cichanoŭskaha jak «čałavieka Maskvy na śpieczadańni ŭ Biełarusi», ale dapuściŭ jahonaje vypraŭleńnie
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary