Troje biełarusaŭ vyrašyli padzarabić kantrabandaj cyharet. I prydumali cikavy sposab ich dastaŭki.
U noč a 6 lipienia na styku miežaŭ Mijorskaha i Vierchniadźvinskaha rajonaŭ Viciebskaj vobłaści pamiežniki zatrymali troch biełarusaŭ.
Niepracujučyja mužčyny — žychary Smalavičaŭ, Oršy i Połacka — źbiralisia pierapravić bujny hruz cyharet u Łatviju z dapamohaj deltapłanaŭ z matoram.

«U navihacyjnym abstalavańni byŭ zaprahramavany maršrut palotu praź miažu Biełarusi. Kančatkovaj kropkaj niezakonnaj dastaŭki pavinien byŭ stać nasieleny punkt Rabiežnijeki ŭ Łatvii. Na miescy byłoj uźlotna-pasadačnaj pałasy sielskahaspadarčaha pryznačeńnia ŭdzielniki hrupy arhanizavali miesca časovaha raźmiaščeńnia, tam znachodziŭsia pryčep-kiempinh», — paviedamili ŭ DPK.
U vyniku aryštavanyja dva motadeltapłany, dva mikraaŭtobusy, lehkavoje aŭto, pryčep-kiempinh, partatyŭnyja radyjostancyi i śpiecyjalnaja lotnaja ekipiroŭka. A taksama tavar — 160 tysiač štuk cyharet.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami

Kamientary