Sustreča pamiž prezidentami ZŠA i Rasii na palach samitu «vialikaj dvaccatki» ŭ Hamburhu pryniesła pieršyja vyniki: Tramp i Pucin damovilisia ab spynieńni ahniu ŭ paŭdniova-zachodniaj častcy Siryi, paviedamlaje DW sa spasyłkaj na AP.
Pa źviestkach ahienctva, pieramirje pačnie dziejničać 9 lipienia.
Paźniej pra heta zajaviŭ žurnalistam i kiraŭnik MZS Rasii Siarhiej Łaŭroŭ. «Siońnia ŭ stalicy Iardanii zaviaršyli pracu ekśpierty troch krain, i jany ŭzhadnili miemarandum ab pieramirji na paŭdniovym zachadzie Siryi». Pavodle Łaŭrova, pieramirje pavinna ŭstupić u siłu z 9 lipienia. ZŠA i Rasija ŭziali na siabie abaviazacielstvy zabiaśpiečyć pieramirje, zabiaśpiečyć humanitarny dostup, dadaŭ kiraŭnik MZS Rasii, pieradaje RBK.
»Kankretna, pa-dziełavomu abmiarkoŭvali i Siryju, i Ukrainu, i Karejski paŭvostraŭ, i kibierbiaśpieku, i ceły šerah inšych pytańniaŭ», — padkreśliŭ Łaŭroŭ.
Na nieadnarazovyja pytańni, ci dasiahnuta damoŭlenaść ab novaj sustrečy, Łaŭroŭ nie adkazaŭ.
Adkazvajučy na pytańnie, ci stali pa vynikach pieramoŭ Pucin i Tramp siabrami, Łaŭroŭ skazaŭ: «Vy viedajecie, heta ŭžo bieletrystyka, heta vam vyrašać».

Prezidenty Rasii i ZŠA siońnia praviali pieramovy na samicie «Vialikaj dvaccatki», jany doŭžylisia 2 hadziny 15 min. Hetaja była pieršaja ich sustreča, da hetaha lidery razmaŭlali tolki pa telefonie.
Kamientary