Сустрэча паміж прэзідэнтамі ЗША і Расіі на палях саміту «вялікай дваццаткі» ў Гамбургу прынесла першыя вынікі: Трамп і Пуцін дамовіліся аб спыненні агню ў паўднёва-заходняй частцы Сірыі, паведамляе DW са спасылкай на AP.
Па звестках агенцтва, перамір'е пачне дзейнічаць 9 ліпеня.
Пазней пра гэта заявіў журналістам і кіраўнік МЗС Расіі Сяргей Лаўроў. «Сёння ў сталіцы Іарданіі завяршылі працу эксперты трох краін, і яны ўзгаднілі мемарандум аб перамір'і на паўднёвым захадзе Сірыі». Паводле Лаўрова, перамір'е павінна ўступіць у сілу з 9 ліпеня. ЗША і Расія ўзялі на сябе абавязацельствы забяспечыць перамір'е, забяспечыць гуманітарны доступ, дадаў кіраўнік МЗС Расіі, перадае РБК.
»Канкрэтна, па-дзелавому абмяркоўвалі і Сірыю, і Украіну, і Карэйскі паўвостраў, і кібербяспеку, і цэлы шэраг іншых пытанняў», — падкрэсліў Лаўроў.
На неаднаразовыя пытанні, ці дасягнута дамоўленасць аб новай сустрэчы, Лаўроў не адказаў.
Адказваючы на пытанне, ці сталі па выніках перамоў Пуцін і Трамп сябрамі, Лаўроў сказаў: «Вы ведаеце, гэта ўжо белетрыстыка, гэта вам вырашаць».
Прэзідэнты Расіі і ЗША сёння правялі перамовы на саміце «Вялікай дваццаткі», яны доўжыліся 2 гадзіны 15 мін. Гэтая была першая іх сустрэча, да гэтага лідэры размаўлялі толькі па тэлефоне.
Першая сустрэча Пуціна і Трампа пачалася ў Гамбургу з абмену кампліментамі
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары