Załatyja medali ŭ viesłavańni ŭ kanoe-dvojcy zavajavali braty Alaksandar i Andrej Bahdanovičy, a bajdarku-čaćviorku vyjhrali Ramana Pietrušenki, Alaksiej Abałmasaŭ, Artur Litvinčuk, Vadzim Machnioŭ.
Załatyja medali ŭ viesłavańni ŭ kanoe-dvojcy zavajavali braty Alaksandar i Andrej Bahdanovičy, a bajdarku čaćviorku vyjhrali Ramana Pietrušenki, Alaksiej Abałmasaŭ, Artur Litvinčuk, Vadzim Machnioŭ.
Biełarusy ŭžo dakazali, što my ci nie najlepš u śviecie kidajem mołat i šturchajem jadro. A ciapier jašče dva załatyja medali zavajavali ŭ viesłavańni! U Biełarusi ŭžo čatyry pieršych miescy na Alimpijadzie. Heta rekord!
Spačatku na vierchni radok uzyšli ŭradžency Jalizava (Asipoviččyna) braty Alaksandar i Andrej Bahdanovičy ŭ viesłavańni na kanoe‑dvojcy. Biełarusy startavali nia samym lepšym čynam, doŭha trymajusia ŭ siaredzinie pieletonu. Liderstva adrazu vielmi ŭpeŭniena zachapili niemcy Krystyjan Hile i Tomaš Vylenziek. Ale na apošnich 250 metrach dystancyi biełarusy źjeli ŭsiu pieravahu supiernikaŭ. I na niekalki imhnieńniaŭ apiaredziŭšy niemcaŭ.
Šostaje miesca minułaj Alimpijady ŭ Afinach braty pamianiali na zołata Pekinu!
A litaralna praź dziesiać chvilin nastroj dla biełaruskich zaŭziataraŭ staŭ jašče bolš pazytyŭnym. Čaćviortaje zołata Pekinu ŭziała bajdarka‑čaćviorka ŭ składzie Ramana Pietrušenki (naradziŭsia ŭ Kalinkavičach), Alaksiej Abałmasaŭ (Barysaŭ), Artur Litvinčuk (Mazyr), Vadzim Machnioŭ (Miensk) nie dała ni na sekundu zasumniavacca ŭ svajoj pieravazie.
Kali minułyja Alimpijady najbolšy ŭłoŭ naša kamanda pryvoziła ŭ akademičnym viesłavańni, to na hetaj pryjarytety pierajšli na bajdarki i kanoe. Spabornictvy ŭ hetym vidzie sportu praciahnucca zaŭtra. Šancy na medali zastajucca dosyć vialikim.
U ahulnym zaliku zbornaja Biełarusi vyjšła na piatnaccaty radok. Heta Alimpijada ryzykuje stać samaj paśpiachovaj u niezaležnaj historyi ajčynnaha sportu.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš9
Kamientary