U Biełarusi raspracoŭvajecca prajekt punkta zachavańnia radyjeaktyŭnych adkidaŭ AES. Infarmacyja ab kompleksie mierapryjemstvaŭ pa navukovamu supravadžeńniu raźvićcia atamnaj enierhietyki raźmieščanaja na sajcie Minenierha, paviedamlaje BIEŁTA.
Raspracoŭvajecca kanceptualny prajekt punkta zachavańnia radyjeaktyŭnych adchodaŭ (akramia vysokaaktaŭnych), jakija ŭtvarajucca ŭ pracesie ekspłuatacyi i vyvadu z ekspłuatacyi Biełaruskaj AES. Vykonvajucca daśledavańni, nieabchodnyja dla jaho zbudavańnia, raspracavanyja rekamiendacyi pa stvareńni ahulnaj sistemy achoŭnych barjeraŭ schovišča radyjeaktyŭnych adchodaŭ dla zabieśpiačeńnia ich biaśpiečnaha zachoŭvańnia (pachavańnia). «Zbudavańnie dadzienaha punkta dazvolić izalavać radyjeaktyŭnyja adchody AES i praduchilić ich mahčymy niehatyŭny ŭpłyŭ na navakolnaje asiarodździe», — adznačyli ŭ Minenierha.
Dla pavyšeńnia biaśpieki zachoŭvańnia radyjeaktyŭnych adchodaŭ raspracavanyja matematyčnyja madeli i vyličalnyja prahramy, jakija dazvalajuć vyrablać raźliki pracesaŭ mihracyi radyjenuklidaŭ ź sistemy pachavańnia ŭ hieaśfieru praz unutranyja, źniešnija inžyniernyja i pryrodnyja barjery prypavierchnievaha schovišča RAA. Taksama praanalizavanyja varyjanty abychodžańnia z vysokaaktaŭnych adkidami, jakija ŭtvarajucca ŭ vyniku pierapracoŭki ŭ Rasii adpracavanaha jadziernaha paliva ź Biełaruskaj AES, i pradstaŭlenyja rekamiendacyi pa zaklučnaj stadyi paliŭnaha cykłu atamnaj elektrastancyi.
Akramia taho, pravodziacca daśledavańni pa padrychtoŭcy da fizičnaha pusku pieršaha enierhabłoka AES, paćviardžeńni biaśpieki i ekanamičnaj efiektyŭnaści farmavanych zahruzak aktyŭnaj zony reaktara, acency stanu mietału korpusa reaktara ŭ pracesie ekspłuatacyi AES.
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki
Kamientary