Statuja lehiendarnaha rehi‑muzykanta źjaviłasia ŭ sierbskaj vioscy Banacki Sokałač, dzie litaralna niadaŭna zaviaršyŭsia festyval Rock Village za mir na Bałkanach.
Źjechalisia na jaho muzyki nia tolki z samoj Sierbii, ale i susiedniaj Charvatyi. Cyrymonija adkryćcia pomnika Bobu Marli adbyłasia siarod nočy. Arhanizatary kažuć, što uradženiec Jamajki Bob Marli prapahandavaŭ u svajoj muzycy mir i talerantnaść.
Sierbski muzyka Jovan Macič i charvacki rokier‑veteran Dada Topič sarvali pakryvała sa statui, jakaja adlustroŭvaje Marli z hitaraj i ŭźniatym uvierch kułakom pravaj ruki.
Arhanizatary kažuć taksama, što heta pieršy ŭ Eŭropie manument, pryśviečany Bobu Marli.
U krainach byłoj Juhasłavii trydycyja takoha ŭšanavańnia zorak šoŭ‑biznesu nabiraje moc. Nia tak daŭno ŭ adnym sierbskim miastečku pastavili pomnik Džoni Vajśmiuleru, vykanaŭcy roli Tarzana.
Žychary inšaj sierbskaj vioski, Žyciste, pastavili pomnik lehiendarnamu Roki. Jon maje ratavać viosku ad pastajannych pavodak, bo miascovyja žychary miarkujuć, što ich viosku niechta suročyŭ.
U baśnijskim horadzie Mostar pastavili pomnik Brusu Li.
Jaho pastavili jak symbal niepryniaćcia padziełu pavodle etničnaj prykmiety, praź jakuju ŭ 1990‑yja adbyłasia samaja kryvavaja vajna ŭ Eŭropie paśla Druhoj suśvietnaj.
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ4
Kamientary