Paśla taho, jak łatvijski ministr zamiežnych spraŭ Edhar Rynkievičs paŭtaryŭ, što kraina nie maje namieru błakavać elektraenierhiju, jakuju budzie vyrablać Astravieckaja AES, kiraŭnik litoŭskaha zamiežnapalityčnaha viedamstva nie vyklučyŭ, što susiedniaja dziaržava pastupaje z ekanamičnych pryčynaŭ, piša Delfi.lt.
«Heta, vidavočna, źviazana z ekanamičnym supracoŭnictvam, ja tak miarkuju, z vykarystańniem ułasna porta (Vientśpiłs), i heta zrazumieła, ale ŭsio ž jość pryncypovyja rečy, jakija pavinny macniej prajaŭlacca. Bolš za toje, heta abjekt nie prosta abjekt, i heta nie dvuchbakovaja prablematyka, atamnyja abjekty nie mohuć być tolki ŭ kantekście dvuchbakovych adnosinaŭ, heta značna bolš šyroki kantekst, nie tolki rehijanalny, a ŭsiaho Jeŭrasajuza», - skazaŭ BNS Linas Linkiavičus.
Pavodle jaho słoŭ, adnoj z asnoŭnych pryčyn, pa jakich Łatvija nie schilna błakavać biełaruskuju elektraenierhiju - imknieńnie pryciahnuć biełaruskija hruzy ŭ Vientśpiłski port.
«Vielmi jarki prykład - najbolš blizki i ŭpadabany biełarusami Kłajpiedski port, biez Kłajpiedy ciažka ŭjavić ekspart. Ale jość i Vientśpiłski port - ja miarkuju, što im chočacca bolš supracoŭnictva. Mahčyma, jość i inšyja pryčyny», - skazaŭ ministr.
Adnak, pavodle jaho słoŭ, łatvijskaja pazicyja mahła b źmianicca, kali b inšyja krainy rehijonu vyrašyli padtrymać Litvu, bajkatujučy biełaruskuju elektraenierhiju.
Napiaredadni vizitu ŭ Biełaruś łatvijski ministr Edhars Rynkievičs zajaviŭ tut.by, što ŭ Łatvii nie abmiarkoŭvajecca pytańnie bajkotu biełaruskaj elektraenierhii. Pavodle jaho słoŭ, Łatvija razumieje zakłapočanaść Litvy, ale pytańnie biaśpieki AES abmiarkoŭvaje napramuju ź Biełaruśsiu
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač38
Kamientary