Alaksandra Hierasimienia, archiŭnaje fota.
Alaksandra Hierasimienia vyjšła ŭ finał čempijanatu śvietu pa płavańni ŭ Budapiešcie (Vienhryja) na svajoj karonnaj dystancyi - 50 m na śpinie, paviedamlaje karespandent BiełTA. U paŭfinale jana pieraadoleła dystancyju za 27,54 siek. Heta treciaje miesca ŭ zapłyvie i siomaje pa vynikach dvuch paŭfinałaŭ.
Najlepšy vynik paŭfinałaŭ pakazali brazilskaja spartsmienka, čempijonka śvietu-2014 Ećjen Miedejraš - 27,18 siek., Jańchua Fu z Kitaja - 27,19 siek. i pradstaŭnica ZŠA Ketlin Bejkier - 27,48 siek. Za ŭznaharody spartsmienki buduć zmahacca 27 lipienia.
Biełarus Ilja Šymanovič ŭ finalnym zapłyvie na dystancyi 50 m brasam staŭ vośmym z vynikam 27,27 siek. Załatuju ŭznaharodu zavajavaŭ brytaniec Adam Pici, pieraadoleŭšy dystancyju za 25,99 siek. Druhoje miesca dastałasia Džaan Homiesu Džuniara z Brazilii, jaki finišavaŭ z časam 26,52 siek. Na treciuju prystupku pjedestała padniaŭsia Kamieron van der Burh z vynikam 26,60 siek. (Paŭdniova-Afrykanskaja Respublika). Čempijanat śvietu pa vodnych vidach sportu zavieršycca ŭ Budapiešcie 30 lipienia.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)