Iran zajaviŭ ab paśpiachovym vyprabavańni rakiety ŭłasnaj vytvorčaści, zdolnaj vyvodzić spadarožniki na arbitu. Pra heta paviedamiła dziaržaŭnaje telebačańnie Irana ŭ čaćvier, 27 lipienia.
«Kaśmičny centr imama Chamiejni byŭ aficyjna adčynieny paśpiachovym vyprabavańniem rakiety Simorgh», - skazana ŭ paviedamleńni, jakoje supravadžajecca videašeraham z zapuskam rakiety.
Rakieta zdolnaja vyvodzić na arbitu spadarožniki vahoj da 250 kh.
Pavodle ahienctva Reuters, dadzienaja padzieja chutčej za ŭsio ŭzmocnić napružanaść z ZŠA z-za mahčymaha vykarystańnia Iranam balistyčnaj rakiety.
Nahadajem, ZŠA 19 lipienia ŭviali novyja ekanamičnyja sankcyi suprać Irana za prahramu balistyčnych rakiet.
Iran zajaŭlaje, što jaho kaśmičnaja prahrama źjaŭlajecca mirnaj, ale zachodnija ekśpierty padazrajuć, što prahrama moža stać prykryćciom dla raspracoŭki rakietnych technałohij.
Kamientary