ZŠA pačali praces vychadu z Paryžskaha pahadnieńnia pa klimacie, paviedamlajuć infarmahienctvy sa spasyłkaj na Dziarždepartament krainy.
Delehacyja ZŠA ŭ AAN paviedamiła ab takim rašeńni dziaržavy hienieralnamu sakrataru Arhanizacyi Abjadnanych Nacyj Antoniu Huteryšu. Dziarždepartament adznačaje, što krainaj padtrymlivajecca zbałansavany padychod da baraćby z hłabalnym paciapleńniem, jaki praduhledžvaje skaračeńnie vykidaŭ z zaachvočvańniem ekanamičnaha rostu i zabieśpiačeńniem enierhietyčnaj biaśpieki. Taksama ŭ viedamstvie nahadali słovy prezidenta Donalda Trampa, jaki nie vyklučyŭ viartańnia ZŠA ŭ lik krain — udzielnic pahadnieńnia, ale na asablivych umovach.
Paryžskaje pahadnieńnie było pryniataje 12 śniežnia 2015 hoda pa vynikach 21-j kanfierencyi Ramačnaj kanviencyi AAN ab źmianieńni klimatu. Tady 195 udzielnikaŭ damovilisia nie dapuścić pavyšeńnia siaredniaj tempieratury na płaniecie da 2100 hodzie bolš čym na 2 hradusy Celsija ŭ paraŭnańni z daindustryjalnaj epochaj.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)