Baćki Michała Žyźnieŭskaha atrymlivajuć ad uładaŭ Ukrainy 230 rubloŭ štomiesiac
Kabiniet ministraŭ Ukrainy pryznačyŭ pažyćciovuju stypiendyju baćkam biełarusa Michała Žyźnieŭskaha — adnaho ź pieršych zabitych na vulicy Hrušeŭskaha ŭ Kijevie padčas padziej Jeŭramajdanu ŭ studzieni 2014 hoda.
Pavodle vydańnia Cienzor.NIET sa spasyłkaj na Ministerstva sacyjalnaj palityki, baćki Hieroja Niabiesnaj sotni, hramadzianina Biełarusi Michała Žyźnieŭskaha ciapier buduć mieć mahčymaść atrymlivać pažyćciovuju stypiendyju praz bankaŭski rachunak, adkryty ŭ adnym z ukrainskich bankaŭ.
Jak paviedamiła Svabodzie maci zabitaha Nina Žyźnieŭskaja, dapamoha składaje 230 BYN u miesiac i siamja atrymlivaje jaje ŭžo bolš za hod.
«Spačatku pryznačyli stypiendyju, i tolki praź niejki čas dali zorku Hieroja Ukrainy. Hetaje zvańnie simvaličnaje, nijakaj materyjalnaj dapamohi nie niasie. Ale, prynamsi, ciapier nichto nie čapaje mahiłu syna — viedajuć, što tam pachavany Hieroj Ukrainy. Heta vielmi važna», — skazała Nina Žyźnieŭskaja.
Michał Žyźnieŭski staŭ pieršym zamiežnym hramadzianinam, uhanaravanym zvańniem Hieroj Ukrainy. 13 červienia ŭkrainski prezident Piatro Parašenka ŭručyŭ zorku Hieroja Ukrainy jaho baćkam — Michaiłu i Ninie Žyźnieŭskim.
-
Čarha ŭ Polšču amal źnikła, ale ludzi ŭsio adno stajać pa 10 hadzin. Jak tak?
-
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
-
U Budsłavie vierniki razam z apostalskim nuncyjem pamalilisia za ŭrad Biełarusi
Kamientary