Pieršamajskim (h. Minska) rajonnym adździełam Śledčaha kamiteta raspačata kryminalnaja sprava ab žorstkim abychodžańni z kacianiom, što pryviało da jaho śmierci, paviedamlaje pres-słužba SK.
Śledstvam ustanoŭlena, što mužčyna, znachodziačysia la padjezda doma pa vuł. Rusijanava, uziaŭ u ruki maleńkaje kaciania i nie mienš za 5 razoŭ udaryŭ jaho hałavoj ab ścianu. Ad atrymanych traŭmaŭ žyvioła pamierła na miescy. Usio heta rabiłasia na vačach minakoŭ. Vidavočcy zdareńnia adrazu paviedamili ŭ pravaachoŭnyja orhany. Akramia taho, adzin sa śviedkaŭ incydentu źniaŭ na kamieru mabilnaha telefona parušalnika.
Im akazaŭsia 56-hadovy žychar Minska. Jon znachodziŭsia ŭ stanie ałkaholnaha apjanieńnia. Jaho dziejańni kvalifikavanyja śledstvam pa č. 1 art. 339/1 (Žorstkaje abychodžańnie z žyviołaj) Kryminalnaha kodeksa Respubliki Biełaruś.
Padazravany skazaŭ, što kaciania vyklikała ŭ jaho razdražnieńnie, bo niekatory čas jano žyło ŭ žančyny, ź jakoj mužčyna piŭ pierad incydentam na vulicy.
