Paŭtorny analiz zdymkaŭ z zonda Mars Odyssey pakazaŭ, što na ekvatary Marsa mohuć chavacca značnyja zapasy lodu.
«Nam udałosia pavysić jakaść dadzienych tak, niby my ŭdvaja źnizili vyšyniu arbity zonda. My ŭžo viedali, što šapki lodu prysutničajuć na kancavośsiach Marsa, i ciapier my znajšli nievialikija adkłady zamierzłaj vady i na ekvatary płaniety», — raspaviadaje Džek Uiłsan z univiersiteta Darema (Vialikabrytanija) u artykule, apublikavanym u časopisie Icarus.
Jak ličać navukoŭcy, prysutnaść bujnych zapasaŭ lodu na ekvatary Marsa, jakija prykładna roŭnyja pa abjomie paŭdniovaj ladovaj šapcy płaniety, kaža pra toje, što ŭ minułym voś jaje kručeńnia była mocna nachilenaja.
Pa słovach Uiłsana, Mars pavinien byŭ krucicca amal na baku, z vośsiu, nachilenaj na 45 hradusaŭ, kab hetyja zapasy lodu mahli sfarmavacca abo zachavacca na adnosna ciopłym ekvatary čyrvonaj płaniety.
Padobnaja vysnova dobra ŭzhadniajecca z tym, što voś kručeńnia Marsa sapraŭdy pavinna była prykmietna zrušycca paśla źjaŭleńnia vułkana Alimp i inšych najbujniejšych hor na płato Farsida. Ciapier jano znachodzicca amal na ekvatary płaniety, adnak u minułym, kali mierkavać pa malunku rek na jaho pavierchni, heta płato było raźmieščanaje va ŭmieranych šyrotach paŭnočnaha paŭšarja Marsa.
Ź inšaha boku, zamiery Uiłsana i jaho kaleh supiarečać źviestkam, atrymanym pry dapamozie marsachodaŭ Curiosity i Opportunity, jakija pakul nie vyjavili śladoŭ vady ŭ ekvataryjalnych šyrotach čyrvonaj płaniety.
Tamu dyskusii ab pachodžańni marsijanskich «rek» nie ścichnuć i praciahnucca z novaj siłaj, padsumoŭvajuć navukoŭcy.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary