Studenty ŭ biełaruskich VNU dahetul vyvučajuć teoryju litaratury abo pavodle savieckich padručnikaŭ, abo pavodle rasijskich ci biełaruskich, jakija ŭsio adno zasnavanyja na (post)savieckich šabłonach i ideałahičnych štampach. Jak vynik, ahulnaja humanitarnaja adukacyja ŭ Biełarusi isnuje asinchronna z suśvietnaj humanistykaj. Bazavyja paniaćci zachodniaha śvietu ničoha nie kažuć vypusknikam ajčynnych fiłfakaŭ. Dapytlivyja studenty i aśpiranty dojduć da viedaŭ sami, nasupierak abstavinam: pierakładuć, adkapajuć patrebnuju infarmacyju ŭ biblijatekach ci internecie. Ale ahulny fon ad hetaha nie mianiajecca.
Mienavita tamu kamanda nieabyjakavych admysłoŭcaŭ pierakłała na biełaruskuju movu «Teoryi litaratury XX stahodździa» — hruntoŭnaje akademičnaje vydańnie, jakoje źmiaščaje najbolš poŭnaje apisańnie ŭsiaho, što adbyvałasia ŭ suśvietnaj humanistycy za apošniuju sotniu hadoŭ.
Dziakujučy vam sabrana ŭžo 22%!
Tolki da 24 vieraśnia možna pieradzamović i harantavana atrymać vydańnie «Teoryi litaratury XX st». Źviarnicie ŭvahu, što paźniej u kramach kniha budzie kaštavać značna bolš, bo budzie ŭličany jak realny (na momant vydańnia) sabiekošt, tak i kramnaja nacenka.Pry vyznačeńni nakładu my budziem aryjentavacca na kolkaść pieradzamovaŭ i na sabranyja srodki, tak što vydadziena budzie tolki krychu bolš asobnikaŭ, čym pieradzamoŭlena. Heta aznačaje, što kali pieradzamovaŭ budzie mała, dadatkovych knih u kramach budzie niašmat, a ich sabiekošt budzie vyšejšy, čym zapłanavana ciapier. Tamu pieradzamova - adziny harantavany šlach atrymać knihu pa dobraj canie. Adkład nie jdzie ŭ ład, jak toj kazaŭ.
Padtrymać prajekt možna tut.
Anna Bužyńska i Michał Pavieł Markoŭski ŭ adnoj knizie apisvajuć najvažniejšyja teoryi litaratury minułaha stahodździa ad psichaanalizu da postkałanijalizmu. Aŭtary prykłali ŭsie namahańni, kab bahaćcie źmiestu i kampietentny analiz išli ŭ pary ź jasnaściu i prazrystaściu raspoviedu. Kožnaj z asobnych płyniaŭ teoryi litaratury pryśviečany asobny raździeł, dapoŭnieny karysnymi dadatkami: tłumačeńniem klučavych paniaćciaŭ, chranałohijaj i šyrokaj biblijahrafijaj. Niesumnieŭnym plusam źjaŭlajecca taksama vobraznaja mova, dziakujučy jakoj kniha prosta cudoŭna čytajecca. Naprykancy źmieščanaja raskładnaja «mapa» teoryj litaratury. Dziakujučy hetamu knihu možna paraić nie tolki budučym litaraturaznaŭcam, ale ŭsim studentam humanitarnych śpiecyjalnaściej. Vydańnie tyčycca nie tolki litaratury, a šyroka zakranaje fiłasofiju, movaznaŭstva, kulturałohiju, źjaŭlajecca pa sutnaści zbornikam idejaŭ, bieź viedańnia jakich siońnia składana ŭjavić sabie adukavanaha čałavieka. Takoha vydańnia jašče nie było. Kniha była absalutnaj navinkaj na polskim rynku i zrobić revalucyju ŭ biełaruskaj humanitarystycy.
Hałoŭnaja zadača inicyjataraŭ prajekta — nie prosta nadrukavać hetaje bolš čym 600-staronkavaje vydańnie, ale i raspaŭsiudzić pa biblijatekach i humanitarnych asiarodkach Biełarusi, kab dostup da hetaj knihi atrymała jak maha bolš studentaŭ i vykładčykaŭ.
Svaim unioskam vy ruchajecie napierad ajčynnuju humanitarystyku, stvarajecie biełaruski intelektualny dyskurs, robicie jaho sučasnym i ŭklučajecie ŭ suśvietny kantekst, pierakananyja stvaralniki prajekta.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi27
Kamientary