«U parlament patrapiać ludzi, jakija razmaŭlajuć na adnoj movie z uładaj»
Vialikaja kolkaść biezalternatyŭnych akruhaŭ — plus ci minus dla apazycyi? Heta minus dla ŭładaŭ, a dla apazycyi luby minus ułady — heta plus. Palitolah Alaksandar Fiaduta pra parlamenckija vybary.
Palitolah Alaksandar Fiaduta pra parlamenckija vybary.
«Naša Niva»: Ci jość šancy ŭ apazycyi patrapić u parlament?
Alaksandar Fiaduta: Naturalna, što vybary buduć sfalsyfikavanyja. U mianie heta nie vyklikaje pytańniaŭ. Razam z tym, u mianie nie vyklikaje pytańniaŭ i toje, što apazycyja ŭ parlamencie vielmi patrebnaja ŭładzie. Heta patrebna, bo ŭłady sprabujuć damovicca z Zachadam adnosna niejkich harantyj niezaležnaści krainy ad Rasiei. Dumaju, što ŭłada pahodzicca z tym kab prapuścić u parlament niekalki apazycyjaneraŭ. Kolki ich budzie? Heta ŭžo jak karta laža.
«NN»: Ci buduć heta słabyja deputaty, dziejnaść jakich budzie lohka kantralavać?
AF: Heta buduć ludzi, jakija zdolnyja razmaŭlać z uładaj na adnoj movie. Ja nia maju na ŭvazie rasiejskuju movu, ja havaru pra peŭnuju movu paniaćciaŭ. Uładzie patrebnyja deputaty, jaki, skažam, zajmalisia b ekanomikaj, ale nia leźli ŭ prablemy adsutnaści demakratyi ci svabody słova.
«NN»: A kali kazać realna, to ci zdolnyja apazycyjnyja kandydaty pieramahčy na hetych vybarach?
AF: Vielmi składana kazać. Sapraŭdnych vybaraŭ u krainie nie było vielmi daŭno. I toje jak nasamreč dumaje narod, nie pakaža siońnia nivodnaje sacyjalahičnaje apytańnie.
«NN»: Ci varta apazycyi siońnia skancentravacca na idei bajkotu?
AF: Kali bajkot ažyćciaŭlajecca razumnymi ludźmi, to jon moža prynieści peŭnyja vyniki. Naprykład, jon moža prymusić uładu dać mandaty peŭnaj kolkaści apazycyjaneraŭ. Ale paŭtarusia, u takim vypadku nieabchodna, kab ideja bajkotu ažyćciaŭlałasia vielmi razumna.
«NN»: Vialikaja kolkaść biezalternatyŭnych akruhaŭ — plus ci minus dla apazycyi?
AF: Heta minus dla ŭładaŭ, a dla apazycyi luby minus ułady — heta plus.
Kamientary