Zorka «Transformieraŭ» Mark Uołbierh zarabiŭ za apošni hod 68 młn dalaraŭ i ŭznačaliŭ štohadovy rejtynh ad Forbes, što ŭ čarhovy raz pakazaŭ ahromnistuju hiendarnuju prorvu ŭ dachodach kinazorak, piša VVS.
Pieršaja dziasiatka akcioraŭ u śpisie razbahacieła amal na paŭmiljarda dalaraŭ, a top-10 aktrys atrymała ŭtraja mienš, padličyŭ Forbes.
Adcisnuć papiaredniaha lidara rejtynhu Duejna Džonsana na druhoje miesca Uołbierhu dazvolili dachody ad rolaŭ u filmach «Transformiery: Apošni rycar» i «Zdaroŭ, tata, Novy hod! 2».
Samaja vysokaapłatnaja aktrysa Ema Stoŭn zarabiła za hod 26 młn dalaraŭ i zaniała tolki 15-je miesca ŭ ahulnym śpisie, prapuściŭšy napierad partniora pa «Ła-Ła-Łend» Rajana Hoślinha — jon atrymaŭ na 3 młn bolš.
Ema Stoŭn kazała niadaŭna, što akciory, ź jakimi jana zdymałasia razam, časam zhadžajucca na panižanyja hanarary, kab nie atrymlivać bolš za jaje.
Za roŭnaść u apłacie vykazvalisia i Natali Portman i Dženifier Łoŭrens.
Rejtynh akcioraŭ
1. Mark Uołbierh — $68 młn
2. Duejn Džonsan — $65 młn
3. Vin Dyziel — $54,5 młn
4. Adam Sendler — $50,5 młn
5. Džeki Čan — $49 młn
6. Robiert Daŭni-małodšy — $48 młn
7. Tom Kruz — $43 młn
8. Šach Rukch Kchan — $38 młn
9. Sałman Kchan — $37 młn
10. Akšaj Kumar — $35,5 młn
Rejtynh aktrys
1. Ema Stoŭn — $26 młn
2. Dženifier Enistan — $25,5 młn
3. Dženifier Łoŭrens — $24 młn
4. Mielisa Makarci — $18 młn
5. Miła Kunis — $15, 5 młn
6=. Ema Uotsan — $14 młn
6=. Šarliz Teron — $14 młn
8=. Kiejt Błanšet — $12 młn
8=. Džulija Robierts — $12 młn
10. Emi Adams — $10,5 młn
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary