Alaksandru Łukašenku ŭ 2010 hodzie pieradali dakumienty WikiLeaks, z-za čaho paciarpieli dziejačy biełaruskaj apazicyi. Pra heta piša amierykanskaje vydańnie The New Yorker.
Havorka idzie pra «sumnieŭnyja suviazi» hałoŭnaha redaktara WikiLeaks Džulijana Asandža. U 2010 hodzie da jaho pryjazdžaŭ Izrael Šamir, «skandalny rasijanin z ekstremisckimi pohladami», jakoha padazravali ŭ suviaziach z rasijskaj raźviedkaj. I Asandž padzialiŭsia ź im dakumientami. Heta byli «bolš za 90 tysiač nieadredahavanych dypłamatyčnych telehram ZŠA, jakija datyčać Rasii, byłych krain Savieckaha Sajuza i Izraila». Častku dakumientaŭ Šamir pieradaŭ u Minsk i jany trapili Alaksandru Łukašenku. Vydańnie adznačaje, što z-za hetaha ŭ dalejšym źjavilisia padstavy dla aryštaŭ apazicyjanieraŭ. Sam Izrael Šamir pieradaču dakumientaŭ Łukašenku abviarhaje. Viadoma, što jon pieradavaŭ zhadanyja papiery ŭ ŚMI.
The New Yorker cytuje słovy nienazvanaha biełaruskaha aktyvista, jakija toj skazaŭ u kamientary sajtu Tablet: «Ja sapraŭdy nienavidžu WikiLeaks. Jak jany mohuć heta rabić? KDB havoryć ludziam: «Vaša imia ŭ amierykanskich telehramach, vy — zdradnik, amierykanski ahient, i da vas buduć adnosicca jak da voraha».
Na supracoŭnikaŭ WikiLeaks pačali «u panicy» vychodzić biełaruskija apazicyjaniery, jakija cikavilisia ŭciečkaj infarmacyi. Tyja byli ŭstryvožanyja situacyjaj i navat chacieli pravieści rasśledavańnie.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary