RUP «Biełmytniaservis» abvierh apublikavanyja RBK abvinavačvańni va ŭvozie na terytoryju Rasii sankcyjnaj pradukcyi. U paviedamleńni, apublikavanym na sajcie kampanii, paviedamlajecca, što ŭ 2017 hodzie kampanija ŭvoziła i afarmlała na terytoryi Biełarusi płodaaharodninnuju pradukcyju z Afryki, Azii i Paŭdniovaj Amieryki, u dačynieńni da jakoj Rasija nie ŭvodziła sankcyi, piša Tut.by.
«Na padstavie zaklučanych dahavoraŭ z rasijskimi subjektami haspadarańnia, jakija ažyćciaŭlajuć źniešnieekanamičnuju dziejnaść na praciahu piaci hadoŭ i bolš, pradpryjemstva ažyćciaŭlała pastaŭki płodaaharodninnaj pradukcyi ŭ Rasijskuju Fiederacyju.
Pastaŭki ažyćciaŭlalisia ŭ adpaviednaści z mytnym zakanadaŭstvam, a taksama z zabieśpiačeńniem patrabavańniaŭ biaśpieki ŭ halinie karancinu raślin», — zapeŭnili na pradpryjemstvie.
U paviedamleńni adznačana, što harodnina i sadavina naležać da pradukcyi vysokaj fitasanitarnaj ryzyki i supravadžajucca siertyfikatami, jakija vydajucca fitasanitarnymi słužbami krain adpraŭleńnia. Pry hetym fitasanitarnyja siertyfikaty abaviazkova ŭtrymlivajuć źviestki ab krainie pachodžańnia tavaraŭ.
«Pry ŭvozie na terytoryju Rasijskaj Fiederacyi tavar prachodzić pravierku na stacyjanarnych pastach Raśsielhasnahladu, dzie rasijskija atrymalniki pradastaŭlajuć upaŭnavažanym słužbam nieabchodnuju infarmacyju, u tym liku ab krainie pachodžańnia tavaru. Adpaviedna, dadzienyja słužby ŭ kožnym vypadku majuć mahčymaść pravieryć sapraŭdnaść nazvanych źviestak. Takaja pravierka čaściakom doŭžycca niekalki dzion», — rastłumačyli u «Biełmytservisie».
I tolki paśla vydačy rasijskim upaŭnavažanym orhanam akta druhasnaha fitasanitarnaha kantrolu tavar moža być uciahnuty ŭ zakonny abarot na terytoryi RF. Kopii takich dakumientaŭ rasijskija partniory nakiroŭvajuć u «Biełmytniaservis», što śviedčyć ab adsutnaści pretenzij da realizavanych na terytoryi Rasii tavaraŭ.
Rasijskija ŚMI paviedamlali, što Fiederalnaja mytnaja słužba Rasii raskryła najbujniejšuju sietku pastaŭščykoŭ sankcyjnaj pradukcyi z 29 kampanij, zarehistravanych u pieryjad z 2014 hoda, a zasnavalnikami ŭ asnoŭnym źjaŭlajucca hramadzianie Biełarusi. Infarmacyja apublikavanaja sa spasyłkaj na krynicy, «blizkija da FMS».
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ8
Kamientary