Biełaruskuju navukoŭku pakarali na Tajvani za pjanuju jazdu na skutary pa tratuary
Maryja Ciarešyna daśleduje pavukoŭ.
Akruhovy sud Tajbeja 30 vieraśnia 2026 hoda razhledzieŭ apielacyju 27‑hadovaj hramadzianki Biełarusi Maryi Ciarešynaj pa spravie ab pjanym kiravańni.
Maryja Ciarešyna — bijołah-arachnołah. Jana atrymała vyšejšuju adukacyju ŭ Polščy, a paśla pierajechała ŭ Tajvań vučycca ŭ viadomaha daśledčyka pavukoŭ i zajmacca vykarystańniem pavucińnia ŭ miedycynie. U navukovych publikacyjach jana paznačanaja jak supracoŭnica Universiteta Tunchaj u Tajčžunie.
Pavodle materyjałaŭ spravy, u noč na 26 krasavika 2025 hoda biełaruska vypivała ŭ adkrytym bary ŭ parku Juańšań u tajbejskim rajonie Čžunšań. Paśla hetaha jana sieła na skutar i pajechała pa tratuary. Kala 2:50 nočy jaje spyniła palicyja. Sama Ciarešyna na dopycie pakazała, što jechała ź miziernaj chutkaściu — kala 3 km/h.
Test pakazaŭ u jaje 0,30 mh ałkaholu na litr vydychnutaha pavietra. A na Tajvani z hetym stroha — kryminalnaja adkaznaść nadychodzić ad 0,25 mh/ł.
U sudzie Ciarešyna pryznała vinu. 18 listapada 2025 hoda sud pieršaj instancyi pryznačyŭ joj dva miesiacy źniavoleńnia z mahčymaściu zamianić ich štrafam. Pry hetym sud vyrašyŭ nie vysyłać jaje z krainy. Jon uličyŭ, što jana žyvie i pracuje na Tajvani lehalna, raniej pravaparušeńniaŭ nie mieła, a sam vypadak nazvaŭ «nierazvažlivym učynkam», jaki nie śviedčyć pra niebiaśpieku dla hramadstva.
Biełaruska abskardziła tolki pamier pakarańnia i prasiła ab umoŭnym terminie. Apielacyjnaja kalehija vyrašyła, što pieršaja instancyja pryznačyła pakarańnie pravilna, i skarhu adchiliła. Adnak sud adterminavaŭ vykanańnie pakarańnia na dva hady.
Umova takaja: na praciahu paŭhoda paśla taho, jak prysud ustupić u siłu, jana pavinna zapłacić kala $1570. Kali biełaruska nie zapłacić, prakuror moža paprasić sud admianić umoŭny termin.
-
«Byŭ pustelnikam, ale byŭ spakojny». Što viadoma pra piensijaniera, jaki stralaŭ pa milicyi ŭ Astravieckim rajonie
-
U Astravieckim rajonie 65‑hadovy viaskoviec stralaŭ u milicyjanieraŭ. Jaho zabili
-
«Chłuśnia ledź nie kaštavała žyćcia bolš čym 10 vieterynaram». Vietklinika raskazała pra vypadak šalenstva
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im2
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
Ale za styrno apaśla nie lez.