Pinskija śledčyja vyśviatlajuć abstaviny hibieli mužčyny, u kvatery jakoha adbyŭsia pažar, paviedamiła BIEŁTA aficyjny pradstaŭnik USK pa Bresckaj vobłaści Maryna Drańkova.
Pavodle papiaredniaj infarmacyi, siońnia kala paŭnočy ŭ Pinsku z akna kvatery na 9-m paviersie žyłoha doma pa vuł. Bresckaj vypaŭ 26-hadovy mužčyna. Ad atrymanych cialesnych paškodžańniaŭ jon pamior na miescy. Pierad hetym susiedzi pačuli jaho kryk ab dapamozie i huk raźbitaha škła. Jany paviedamili pra heta ŭ MNS, bo zamok uvachodnych dźviarej byŭ začynieny znutry, a na leśvičnaj placoŭcy było zadymleńnie. Ratavalniki zrezali dźviery i łakalizavali ŭzharańnie. Jaho ačahom źjaŭlałasia kanapa ŭ piarednim pakoi.
Pravierku pa dadzienym fakcie pravodzić Pinski mižrajonny adździeł Śledčaha kamiteta. Dla vyśviatleńnia ŭsich abstavinaŭ zdareńnia praviedzieny ahlad, pryznačany šerah ekśpiertnych daśledavańniaŭ, apytvajucca susiedzi. Ź ich słoŭ, raniej mužčyna padpalvaŭ rečy ŭ svajoj kvatery, ale tady jany paśpieli praduchilić pažar. Paśla taho, što zdaryłasia, małady čałaviek prachodziŭ lačeńnie ŭ śpiecyjalizavanaj ustanovie achovy zdaroŭja. Žyŭ jon adzin.
