Пінскія следчыя высвятляюць абставіны гібелі мужчыны, у кватэры якога адбыўся пажар, паведаміла БЕЛТА афіцыйны прадстаўнік УСК па Брэсцкай вобласці Марына Дранькова.
Паводле папярэдняй інфармацыі, сёння каля паўночы ў Пінску з акна кватэры на 9-м паверсе жылога дома па вул. Брэсцкай выпаў 26-гадовы мужчына. Ад атрыманых цялесных пашкоджанняў ён памёр на месцы. Перад гэтым суседзі пачулі яго крык аб дапамозе і гук разбітага шкла. Яны паведамілі пра гэта ў МНС, бо замок уваходных дзвярэй быў зачынены знутры, а на лесвічнай пляцоўцы было задымленне. Ратавальнікі зрэзалі дзверы і лакалізавалі ўзгаранне. Яго ачагом з'яўлялася канапа ў пярэднім пакоі.
Праверку па дадзеным факце праводзіць Пінскі міжраённы аддзел Следчага камітэта. Для высвятлення ўсіх абставінаў здарэння праведзены агляд, прызначаны шэраг экспертных даследаванняў, апытваюцца суседзі. З іх слоў, раней мужчына падпальваў рэчы ў сваёй кватэры, але тады яны паспелі прадухіліць пажар. Пасля таго, што здарылася, малады чалавек праходзіў лячэнне ў спецыялізаванай установе аховы здароўя. Жыў ён адзін.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары