U Chielsinki (Finlandyja) pačaŭ pracu Jeŭrapiejski centr pieradavoha dośviedu pa baraćbie z hibrydnaj pahrozaj, pieradajuć infarmahienctvy.
U dadzieny momant u centry pradstaŭlenyja 12 krain: Vialikabrytanija, ZŠA, Francyja, Estonija, Łatvija, Litva, Narviehija, Polšča, Finlandyja, Ispanija, Hiermanija, Šviecyja.
Siońnia adbyŭsia sieminar vysokaha ŭzroŭniu, u jakim uziali ŭdzieł kala 100 čałaviek, u tym liku pradstaŭniki ES i NATA. Padčas mierapryjemstva adbyłasia prezientacyja chatniaj staronki centra hybridcoe.fi.
Jak adznačajecca, hibrydnaja pahroza ŭklučaje šyroki kruh pytańniaŭ, dla vyrašeńnia jakich nieabchodnyja instrumienty jak na nacyjanalnym uzroŭni, tak i na ŭzroŭni rehijonaŭ, ES i NATA. Zadača centra — spryjać razumieńniu hibrydnaj pahrozy, raźvivać sietku ekśpiertaŭ i ažyćciaŭlać navučańnie śpiecyjalistaŭ.
Aficyjnaje adkryćcio Jeŭrapiejskaha centra pieradavoha dośviedu adbudziecca 2 kastryčnika.
