Šeść viertalotaŭ Mi-8MTV-5 i batareju zienitnaha rakietnaha kompleksu «Tor-M2» atrymała Biełaruś ad Rasii ŭ 2017 hodzie. Pra heta raspavioŭ kamandujučy VPS i vojskami SPA Uzbrojenych sił Biełarusi hienierał-major Ihar Hołub, paviedamlaje TASS.
«U ramkach vajenna-techničnaha supracoŭnictva dla naroščvańnia našaj adzinaj rehijanalnaj hrupoŭki my ŭ pieršym paŭhodździ hetaha hoda pa raniej padpisanych kantraktach z Rasii atrymali na ŭzbrajeńnie šeść viertalotaŭ Mi-8MTV-5, čaćviortuju batareju zienitnaha rakietnaha kompleksu «Tor-M2», - raspavioŭ jon.
Taksama Minabarony Biełarusi zaklučyŭ kantrakt z navukova-vytvorčaj karparacyjaj «Irkut» na pastaŭku 12 samalotaŭ Su-30sm z 2018 pa 2020 hod i kantrakt na pastaŭku radyjołakacyjnych stancyj «Supiernik-HIE», adznačyŭ Hołub.
Jon taksama padkreśliŭ, što ŭsie hetyja mierapryjemstvy nakiravany na naroščvańnie adzinaj rehijanalnaj hrupoŭki vojskaŭ i sił.
