Adno z padraździaleńniaŭ aŭtavytvorcy Jaguar Land Rover pradstaviła madel Jaguar E-Type Concept Zero. Pieraroblenaja ŭ elektramabil była adna z samych viadomych brytanskich mašyn XX stahodździa.
Rodstar sieryi 1.5 adnavili i ŭstalavali ŭ im elektraruchavik zamiest zvykłaha bienzinavaha. Dyzajn pastaralisia zachavać kłasičny, źmiennyja byli tolki fary (jany stali śviatłodyjodnymi), piaredniaja panel i ščytok prybornaj doški.
«Sercam» rodstara staŭ 200-kiłavatny elektramator (jamu adpaviadaje 300 k.s. ruchavika ŭnutranaha zharańnia), jaki siłkujecca ad 40 kVt lityj-ijonnaha akumulatara. Novy mator udała supaŭ pa pamierach sa standartnym ruchavikom «Jahuara», tamu navat padvieska, tarmazy i dynamičnyja nałady ŭdałosia pakinuć tyja ž.
Pry hetym novy aŭtamabil atrymaŭsia na 46 kh lahčejšy za «dziadulu» i chutčejšy. Da «sotni» jon razhaniajecca za 5,5 siekund, a maksimalnaja chutkaść składaje 270 km/h. Na Concept Zero prachodziać aprabacyju niekatoryja techničnyja rašeńni, uziatyja ad pratatypa I-Pace, jaki pastupić u sieryjnuju vytvorčaść tolki ŭ 2018 hodzie. Da taho ž vytvorca paabiacaŭ zamianić sastarełyja bienzinavyja ruchaviki XK (vypuskalisia z 1949 pa 1992 hh.) na novyja elektramatory ŭsim achvotnym.
Kamientary