Vaskrasienski pakajaŭsia, što byŭ u kamandzie Babaryki: Ja byŭ adurmanieny, jak i ŭvieś biełaruski narod
Pravaabaronca i były palitźniavoleny Leanid Sudalenka znoŭ parazmaŭlaŭ z prapahandystam Juryjem Vaskrasienskim. Siarod inšaha Vaskrasienski raskazaŭ, jakim vietram jaho ŭ 2020 hodzie zaniesła ŭ kamandu patencyjnaha kandydata ŭ prezidenty Viktara Babaryki, jaki 13 śniežnia razam ź inšymi 122 palitviaźniami byŭ vyzvaleny paśla 5 z pałovaj hadoŭ znachodžańnia ŭ źniavoleńni
«Jakaja moža być razmova pra niejkaje prymireńnie, pakul ludzi bolšaj častkaj paciarpiełyja ad vašych absalutna nieadekvatnych lidaraŭ i absalutna biespryncypnych. Jak tam, čyj Krym? Hrecki, tak? Vaš vypuščany lidar, bankir kazaŭ. Dyk voś, mnie škada vielmi voś hetych ludziej», — zajaviŭ Vaskrasienski.
Na zaŭvahu Sudalenki, što ŭ 2020 hodzie Babaryka byŭ lidaram i dla samoha Vaskrasienskaha, jon adkazaŭ:
«Niekatory čas tak. Admaŭlać nie budu vidavočnaje. Za maju 30‑hadovuju karjeru sapraŭdy na 2—3 miesiacy mnie daviałosia pavieryć, što hety sapraŭdy kandydat ad Kramla, hazpramaŭski kandydat moža niejak libieralizavać ekanomiku, udychnuć niejki novy patencyjał.
Byŭ taksama, jak i naš uvieś biełaruski narod, adurmanieny. Chto kavidam, chto Babarykam, chto inšymi kandydatami. Ale dziakuj bohu, što hety praces adurmańvańnia asabista ŭ mianie praciahvaŭsia litaralna 2—3 miesiacy. Heta maksimum. I toje, tamu što ja ŭ asnoŭnym ža pracavaŭ «u palach» štodnia.
Štodnia «ŭ palach» palavym rabotnikam byŭ, mieŭ znosiny ź ludźmi, z kiraŭnikami inšych rajonaŭ. I ŭsie jany byli prarasijskija. Usie».
U 2020 hodzie Vaskrasienski, budučy členam inicyjatyŭnaj hrupy Viktara Babaryki, zajmaŭsia zboram podpisaŭ u Minsku i kaardynavaŭ akcyi va Uruččy. Paśla vybaraŭ jaho rolu ŭ kamandzie Babaryki ŭ ŚMI časta pierabolšvali. Sam jon śćviardžaŭ, što nibyta sabraŭ 40 tysiač podpisaŭ, ale bolšaść ź ich pryznali niesapraŭdnymi.
12 žniŭnia 2020 hoda Vaskrasienskaha aryštavaŭ KDB, zavioŭšy kryminalnuju spravu za «masavyja biesparadki» i «błakavańnie transpartu». U dziaržaŭnych ŚMI jaho paznačali jak «arhanizatara pratestaŭ». Vaskrasienski zajaŭlaŭ pra sustreču ŭ Maskvie z palitołahami, jakija nibyta pieradavali jamu hrošy i abmiarkoŭvali płany destabilizacyi ŭ Biełarusi i što jon byŭ vykarystany ŭ jakaści «pieški».
Paśla amal dvuchmiesiačnaha ŭtrymańnia ŭ SIZA Vaskrasienski staŭ vystupać na dziaržaŭnych i zamiežnych telekanałach jak «miedyjatar» pamiž apazicyjaj i ŭładaj. Jon padtrymlivaŭ Łukašenku, krytykavaŭ apazicyju i arhanizavaŭ kruhły stoł pa kanstytucyjnych papraŭkach, adnak u demakratyčnych siłach nie pryznali jaho inicyjatyvu i admovilisia ŭdzielničać.
U roznych praŭładnych aktyŭnaściach Juryj Vaskrasienski zaŭvažny da siońnia, ale nijakich aficyjnych pasad nie zajmaje. Jak choć krychu samastojnaja fihura jon nikoli nie ŭsprymaŭsia i nie ŭsprymajecca. Zvyčajna praź jaho jak nibyta pradstaŭnika «niezaležnaj dumki» zakidajucca i ahučvajucca niejkija idei, jakija aficyjnym pradstaŭnikam režymu ź niejkich pryčyn samim vykazvać niazručna.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary