Šaścirazovy najlepšy futbalist Biełarusi Alaksandr Hleb, jaki ŭ raniejšyja hady nieadnarazova dapamahaŭ BATE ŭ jeŭrakubkach, u intervju prahramie «Vyniki tydnia» na telekanale «Biełaruś 5» raspavioŭ pra toje, jak na lubych umovach paprasiŭsia ŭ barysaŭski kłub paśla losavańnia Lihi Jeŭropy, kab pryhoža zaviaršyć karjeru matčam suprać łondanskaha «Arsienała», ale niečakana atrymaŭ admovu, piša Tut.by.
— U žniŭni hetaha hoda prapanovy ad BATE nie pastupiła. Ja im taksama nie telefanavaŭ i nie prapanoŭvaŭ svaje pasłuhi. Ale ŭsio, viadoma, źmianiłasia paśla losavańnia Lihi Jeŭropy, kali ŭ sapiernikach u barysaŭčan akazaŭsia «Arsienał», jaki adyhraŭ u majoj karjery vialikuju rolu [Hleb hulaŭ za «Arsienał» z 2005 pa 2008 hh.].
Viadoma, ja adrazu ž patelefanavaŭ Anatolu Anatoljeviču (Kapskamu) i paprasiŭsia ŭ BATE na lubych umovach, navat hatovy byŭ hulać biaspłatna. Pra heta parazmaŭlaŭ i ź Jermakovičam, prasiŭ dać mnie mahčymaść vyjści ŭ hulni z «Arsienałam», choć by na zamienu i tym samym pryhoža zaviaršyć karjeru. Ja nie źbiraŭsia pieraškadžać kłubu vyrašać pastaŭlenyja zadačy. Choć, dumaju, što ja moh by im jašče i dapamahčy hodna vyhladać u Lizie Jeŭropy.
Rašeńnie kłuba ahučyŭ mnie Zacharčanka [namieśnik Kapskaha]. Jon patelefanavaŭ i skazaŭ: «Kamandzie tvaje pasłuhi nie patrebnyja». Na hetym pytańnie było zakryta.
— Jak vy adreahavali na heta rašeńnie?
— Jano było niečakanym dla mianie. Ale ja aptymist pa žyćci. Praciahvaju vieryć u toje, što ŭsio, što ni robicca — da lepšaha. Chaciełasia skazać dziakuj tym zaŭziataram, chto vieryŭ i praciahvaje vieryć u mianie. Usim udačy! Dziakuj!
-
Futbalisty «Mančester Sici» viernuć zaŭziataram hrošy za kvitki paśla niečakanaj haściavoj parazy ŭ Lizie čempijonaŭ
-
«Dałas» viarnuŭ biełaruskaha abaroncu Uładzisłava Kalačonka i adrazu adpraviŭ u farm-kłub
-
Mižnarodnaja fiederacyja chakieju praciahnuła adchileńnie zbornaj Biełarusi ad mižnarodnych spabornictvaŭ
Kamientary