president.gov.by
Padstaŭ dla rostu cen u Biełarusi niama. Ab hetym kiraŭnik dziaržavy Alaksandr Łukašenka zajaviŭ siońnia, dajučy zhodu na naznačeńnie novych kiraŭnikoŭ miascovaj viertykali ŭłady.
Jon akcentavaŭ uvahu na nieabchodnaści kantrolu situacyi ŭ śfiery cenaŭtvareńnia. «Vy pavinny bačyć — niachaj heta ludzi buduć vas infarmavać, kantralory vašyja, padklučycie prafsajuzy (jany vielmi efiektyŭna heta robiać). Jany vam padkažuć», - skazaŭ Alaksandr Łukašenka.
«Vy papiaredźcie ŭsich, chto ŭ vas zajmajecca prodažami, a potym, atrymaŭšy infarmacyju, praviercie i zdymicie kamuści hałavu, kali jon nieabhruntavana zadziraje ceny», - dadaŭ kiraŭnik dziaržavy.
U cełym Łukašenka paraiŭ akuratna padyści da hetaha pytańnia. «Zrabicie tak, kab pradpryjemstvy nie zharnuli svaju pracu. Ale ŭ toj ža čas vy pavinny bačyć, što ŭ nas siońnia niama padstaŭ dla rostu cen. Naadvarot, inflacyja ŭ nas skaračajecca. Choć by zasłupavać na hetym uzroŭni, jaki my majem. Heta taksama vaša pytańnie», - adznačyŭ Alaksandr Łukašenka.
