Prezident Ukrainy Piatro Parašenka zajaŭlaje, što ZŠA padtrymali prapanovu Ukrainy ab uviadzieńni miratvorcaŭ na Danbas. Pra heta jon skazaŭ 21 vieraśnia ŭ ZŠA na bryfinhu paśla sustrečy z amierykanskim prezidentam Donaldam Trampam, paviedamlaje UP.
Parašenka skazaŭ, što «vielmi zadavoleny» sustrečaj z usioj uładnaj kamandaj ZŠA, jakaja doŭžyłasia kala hadziny.
«Važnaja pazicyja, Złučanyja Štaty Amieryki całkam padtrymali prapanovy Ukrainy, maje prapanovy, jakija byli ahučanyja jašče ŭ 2015 hodzie, pa raźmiaščeńni na ŭschodzie Ukrainy, na akupavanaj terytoryi, miratvorcaŭ z mandatam Rady Biaśpieki AAN», — skazaŭ prezident Ukrainy.
«Ja padkreślivaju i adznačaju: ukrainskaj pazicyi, jakaja praduhledžvaje mandat na ŭsiu akupavanuju terytoryju na uschodzie Ukrainy, uklučajučy niekantralavany ŭčastak ukrainska-rasijskaj miažy, što vyklučyć praniknieńnie vojskaŭ i ŭzbrajeńnia Rasii i sapraŭdy budzie słužyć mecie miru», — adznačyŭ Parašenka.
Parašenka adznačyŭ niekalki klučavych momantaŭ sustrečy, u pryvatnaści toje, što baki abmierkavali pytańni ŭ śfiery biaśpieki.
«Nadzvyčaj važna, heta ahulnaje bačańnie novaj jakaści supracoŭnictva ŭ śfiery biaśpieki pamiž Ukrainaj i ZŠA. My padrabiazna abmierkavali ŭsie kirunki pašyreńnia hetaha supracoŭnictva, pačynajučy ad supracoŭnictva z vajennaj akademijaj West-Point… i zaviaršajučy supracoŭnictvam ź Minabarony ZŠA i inšymi instytutami», — skazaŭ kiraŭnik Ukrainy.
Parašenka taksama adznačyŭ, što havorka išła i ab supracoŭnictvie ŭ ekanamičnaj śfiery, i skazaŭ, što adčuŭ «poŭnuju i vielmi mahutnuju padtrymku reformaŭ va Ukrainie i pazityŭnuju acenku namahańniaŭ ukrainskaj ułady».
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3232
Kamientary