Dziaŭčyna, čyjo cieła było znojdzienaje niedaloka ad čyhunačnaha pałatna i stancyi Družnaja ŭ Minsku, pamierła ad pieraachaładžeńnia, paviedamiła BIEŁTA aficyjny pradstaŭnik Śledčaha kamiteta Julija Hančarova.
Fota Śledčaha kamiteta
Pavodle papiarednich danych, śmierć nie nosić kryminalnaha charaktaru. «Pavodle atrymanych ad ekśpiertaŭ upraŭleńnia Dziaržaŭnaha kamiteta sudovych ekśpiertyz pa Minsku źviestak, śmierć nastupiła ad pieraachaładžeńnia. Pryznačanyja dadatkovyja daśledavańni», — prainfarmavała Julija Hančarova.
Pravaachoŭniki adpracavali roznyja viersii, u tym liku byli pravieranyja danyja ab tym, što znojdzienaja žančyna značycca ŭ liku źnikłych u šerahu rehijonaŭ Rasii. Adnak pa stanie na 27 vieraśnia infarmacyja, jakaja pastupaje z roznych krynic, nie znajšła paćviardžeńnia. Na miescy zdareńnia nie było znojdziena ni mabilnaha telefona, ni dakumientaŭ. Paraŭnańnie ŭzoraŭ adbitkaŭ palcaŭ ruk pa daktyłaskapičnych ulikach vyniku nie dało.
«Žančyna dastatkova maładaja, pa ŭsich prykmietach nie viała asacyjalnaha ładu žyćcia. Da nas pastupiŭ zapyt ab tym, kab nakiroŭvać cieła dla pachavańnia jak niavystvietlenaj asoby. Ale raptam jość šaniec, kab usio ž u apošni šlach jaje pravodzili blizkija», — adznačyła aficyjny pradstaŭnik SK.
Śledstva źviartajecca z prośbaj da tych, chto paznaŭ žančynu, a taksama majuć jakuju-niebudź infarmacyju ab zdareńni, paviedamić pra heta pa telefonach 8(017) 396-55-76, 8(029) 675-31-32, 8(044) 748-69-15 albo patelefanavać na haračuju liniju Śledčaha kamiteta pa telefonie 8(017) 389-50-02.
