«Poŭnaja zabarona chatnich rodaŭ budzie nie lišniaja». Šmatdzietnaja maci nie zhodnaja

Siońnia nichto nie moža zabaranić biełaruscy naradžać doma, adnak lehalnymi ličacca vyklučna rody ŭ dziaržaŭnych radzilniach. U Pałacie pradstaŭnikoŭ prapanavali źmianić taki volny padychod i całkam pazbavić žančyn mahčymaści naradžać doma. Pra heta, u pryvatnaści, vykazaŭsia deputat Pałaty pradstaŭnikoŭ Anatol Daško. Kali zabarona nabudzie siłu, pieršy čas zmahacca z maci-parušalnicami płanujuć administracyjnymi zachadami.

Z ulikam rezanansu, my paprasili śpiecyjalistaŭ z alternatyŭnymi mierkavańniami vykazacca na hety kont.

Łarysa Niebyšyniec, akušer-hiniekołah, kandydat miedycynskich navuk:

Pavialičyć

«Kali žančyna nie paśpiavaje dajechać da radzilni — heta adno. U inšych vypadkach ja nikomu nie rekamienduju naradžać doma.

Kali pry rodach raźvivajecca vostraja hipaksija płoda, to piać chvilin mohuć vyrašyć usio — za hety čas ni da jakoj balnicy maci nie dajedzie, navat kali pad padjezdam budzie dziažuryć mašyna. Kali ŭ maci adkryvajecca kryvaciok, nijakaja akušerka ŭ adzinočku z hetym nie spravicca. Udzieł u ratavańni žyćcia ŭ stacyjanary prymajuć i akušery, i reanimatołahi. Kožnyja dadatkovyja ruki — heta dadatkovy šaniec.

Kali ŭ žančyn, jakija padtrymlivajuć chatnija rody, usio prajšło dobra, im pašancavała. Pra ciažkija vypadki kabiety i ich akušerki čaściej za ŭsio maŭčać. My nikoli nie čujem historyi, kali niešta pajšło nie tak. Tolki kali nie nastupiła śmierć, heta składana chavać.

Siońnia adkryvajucca novyja pałaty i cełyja adździaleńni, umovy ŭ jakich nabližanyja da chatnich — robicca ŭsio mahčymaje, kab žančyna mahła naradžać u kamforcie, z partnioram, kab u jaje byŭ vybar. Prablema ŭ tym, što budučyja maci čaściakom ličać, što lepš viedajuć, jak treba ŭskryvać płodny puzyr, davać leki ci nie. Ale heta nie tak: doktar kudy bolš daśviedčany, i jon prymaje tolki nieabchodnyja rašeńni.

Ja liču, što ŭsio ž treba dumać nie tolki pra svoj kamfort, ale i pra nastupstvy rašeńniaŭ: jak heta paŭpłyvaje na žančynu i dzicia.

Navat poŭnaja zabarona chatnich rodaŭ u jakaści prafiłaktyki vypadkaŭ, padobnych da tych, što zdarylisia ŭ Viciebsku ci Bierazinie, na dadzieny momant była b nie lišniaj. Moža, kali-niebudź my pryjdziem da taho, što ŭ nas śpiecyjalna buduć rychtavać akušeraŭ dla pracy doma, buduć stvoranyja inšyja ŭmovy, ale pakul hetaha niama, praviły pavinny adnolkava pracavać dla ŭsich».

Hanna Kuźniacova, doŭła, maci traich dziaciej:

Pavialičyć

«Pieršynca ja naradžała ŭ radzilni, a dvaich małodšych — doma, tamu što nie zmahła damovicca na narmalnyja ŭmovy ŭ radzilni. Varta adznačyć, što pa adukacyi źjaŭlajusia doktaram, i ja dakładna viedaju: rody — heta fizijałahičny praces, nie treba stavicca da hetaha, jak da čahości strašnaha.

Ujavicie, kolki ŭ žančyn niedavieru da miedycyny, raz jany abirajuć chatnija rody, zamiest taho kab źviartacca da śpiecyjalistaŭ. I heta prablema sistemy achovy zdaroŭja, a nie žančyn.

Kali chatnija rody aficyjna zabaroniać, a ja zachaču naradžać jašče, ja prosta nie budu rabić heta ŭ Biełarusi. Abiaru krainu, dzie možna spakojna zrabić heta z akušerkaj: niedaloka toj ža Biełastok. Usio, što zastaniecca žančynam, jakija nie majuć takich mahčymaściaŭ, — źbirać vodhuki pra miascovych daktaroŭ, šukać akušeraŭ ź minimalnym uzroŭniem ahresii.

Na słovach u nas usio vielmi pryhoža: isnujuć i rody z partnioram, i viertykalnyja. Na spravie ž z maci prosta vyciskajuć płod, nie dajuć navat abrać bolš kamfortnuju pozu. Moža być, stažyroŭki ŭ zamiežnyja krainy dapamahli b našym daktaram: chaj jany na svaje vočy ŭbačać, jak tam arhanizujuć chatnija rody, jak akušerki pavodziać siabie ŭ niestandartnych situacyjach. Im patrebny inšy žyćciovy dośvied, kab źmianić svaje adnosiny da temy, bo ciapier u ich hałavie tolki adzinaja schiema.

Zabarona chatnich rodaŭ budzie parušeńniem pravoŭ čałavieka, žančyny.

Ja razumieju miedykaŭ, jakija napužanyja tym, što adbyłosia, ale zabarona — heta daremnaja sproba kantrolu. Nijakich pazityŭnych vynikaŭ z hetaha nie budzie. Zamiest taho, kab vyrašać prablemy, my znoŭ robim vyhlad, što ich nie isnuje».

A što dumajecie vy?

Čytajcie taksama:

Čamu biełaruski navažvajucca na chatnija rody? Historyi čatyroch maci

• 0
• 0
• 0
• 0
• 0
• 0
• 0
• 0