USK pa Minsku praciahvajecca rasśledavańnie kryminalnaj spravy ab zabojstvie 21-hadovaj uradženki Homielskaj vobłaści viečaram 5 kastryčnika, paviedamiła ŭ svaim fejsbuku aficyjny pradstaŭnik SK Julija Hančarova.
Cieła dziaŭčyny znajšoŭ na vuł. Vaśniacova kiroŭca taksi. Na praciahu niekalkich hadzin u vyniku apieratyŭna-vyšukovych mierapryjemstvaŭ byŭ ustanoŭleny padazravany, 21-hadovy znajomy zahinułaj, jon zatrymany.
Padziei adbylisia ŭ pryvatnym domie, raźmieščanym u prajeździe Vieśnina ŭ stalicy, na adlehłaści kala 100 mietraŭ ad miesca vyjaŭleńnia dziaŭčyny. Sa słoŭ padazravanaha, pamiž im i znajomaj paŭstaŭ kanflikt na hlebie asabistych uzajemaadnosin, padčas jakoha jon schapiŭ jaje za šyju i niekatory čas trymaŭ. Uśviadomiŭšy, što ździejśniŭ zabojstva, mužčyna pasprabavaŭ schavać ślady złačynstva i pazbavicca ad cieła. Mienavita ŭ hety praces i ŭmiašaŭsia taksist.
Ekśpiertami pravodziacca daśledavańni pa spravie, u tym liku sudova-miedycynskaja i kompleksnaja psichołaha-psichijatryčnaja ekśpiertyzy. Papiarednie ŭstanoŭlena, što śmierć dziaŭčyny nastupiła ad aśfiksii ŭ vyniku zdušeńnia orhanaŭ šyi.
***
Na telehram-kanał «Našaj Nivy» možna padpisacca tut.
