УСК па Мінску працягваецца расследаванне крымінальнай справы аб забойстве 21-гадовай ураджэнкі Гомельскай вобласці вечарам 5 кастрычніка, паведаміла ў сваім фэйсбуку афіцыйны прадстаўнік СК Юлія Ганчарова.
Цела дзяўчыны знайшоў на вул. Васняцова кіроўца таксі. На працягу некалькіх гадзін у выніку аператыўна-вышуковых мерапрыемстваў быў устаноўлены падазраваны, 21-гадовы знаёмы загінулай, ён затрыманы.
Падзеі адбыліся ў прыватным доме, размешчаным у праездзе Весніна ў сталіцы, на адлегласці каля 100 метраў ад месца выяўлення дзяўчыны. Са слоў падазраванага, паміж ім і знаёмай паўстаў канфлікт на глебе асабістых узаемаадносін, падчас якога ён схапіў яе за шыю і некаторы час трымаў. Усвядоміўшы, што здзейсніў забойства, мужчына паспрабаваў схаваць сляды злачынства і пазбавіцца ад цела. Менавіта ў гэты працэс і ўмяшаўся таксіст.
Экспертамі праводзяцца даследаванні па справе, у тым ліку судова-медыцынская і комплексная псіхолага-псіхіятрычная экспертызы. Папярэдне ўстаноўлена, што смерць дзяўчыны наступіла ад асфіксіі ў выніку здушэння органаў шыі.
***
На тэлеграм-канал «Нашай Нівы» можна падпісацца тут.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы18
Каментары