«Daryda» vypuściła davoli nieadnaznačnuju rekłamu da 25-hodździa kampanii.
«Usio, što ŭ žyćci raduje nas,
Usio, što tak pryjemna dla vačej,
Usio, što stavim dzieciam va ŭzor
Zroblena ŭ SSSR», — śpiavajecca ŭ rekłamnym roliku.
Sama pieśnia — davoli staraja. Tolki što ŭ «Darydzie» padstavili pad jaje svoj videa-šerah, dadaŭšy łoha kampanii na retra-fota.
Hety rolik davoli niehatyŭna ŭspryniali ŭ internecie.
Možna znajści dziasiatki, a mo i sotni niehatyŭnych kamientaraŭ u fejsbuku ci adnakłaśnikach.
«Liču, što heta pravał i «savok», — skazaŭ «Našaj Nivie» dyrektar prajektu BiełRetejł Siarhiej Skarachod. — Pasył rolika vielmi daloki ad nas, ničoha ahulnaha z rečaisnaściu. Navat rolik nie ich — uziali čužoje i skaracili. Heta što da realizacyi. A što da źmiestu, to tut, moža, i niejki padman čytačoŭ — nu jak jany zmohuć rabić «toj samy Dziušes» z naturalnych kampanientaŭ, jak anansujecca? Jon u kramie dva dni budzie stajać — i na śmietnicu?».
U samoj «Darydzie» kažuć, što pra videa nie škadujuć.
«Aŭtary — uvieś naš kalektyŭ, — adznačyŭ načalnik adździełu markientynha Alaksandr Kulašoŭ. — Ničoha takoha ź im niama, kab kazać, što jon kiepski. Jość ludzi, jakija dumajuć, što ŭsio lepšaje nasamreč zroblena ŭ SSSR. I ŭ našym adździele taksama. Nu heta taki ściob, ja b skazaŭ».
***
Na telehram-kanał «Našaj Nivy» možna padpisacca tut.