«Гэта правал»: Мінеральная вада «Дарыда» зрабіла рэкламу, у якой сцвярджае, што ўсё лепшае — з СССР
«Дарыда» выпусціла даволі неадназначную рэкламу да 25-годдзя кампаніі.
«Усё, што ў жыцці радуе нас,
Усё, што так прыемна для вачэй,
Усё, што ставім дзецям ва ўзор
Зроблена ў СССР», — спяваецца ў рэкламным роліку.
Сама песня — даволі старая. Толькі што ў «Дарыдзе» падставілі пад яе свой відэа-шэраг, дадаўшы лога кампаніі на рэтра-фота.
Гэты ролік даволі негатыўна ўспрынялі ў інтэрнэце.
Можна знайсці дзясяткі, а мо і сотні негатыўных каментараў у фэйсбуку ці аднакласніках.
«Лічу, што гэта правал і «савок», — сказаў «Нашай Ніве» дырэктар праекту БелРэтэйл Сяргей Скараход. — Пасыл роліка вельмі далёкі ад нас, нічога агульнага з рэчаіснасцю. Нават ролік не іх — узялі чужое і скарацілі. Гэта што да рэалізацыі. А што да зместу, то тут, можа, і нейкі падман чытачоў — ну як яны змогуць рабіць «той самы Дзюшэс» з натуральных кампанентаў, як анансуецца? Ён у краме два дні будзе стаяць — і на сметніцу?».
У самой «Дарыдзе» кажуць, што пра відэа не шкадуюць.
«Аўтары — увесь наш калектыў, — адзначыў начальнік аддзелу маркентынга Аляксандр Куляшоў. — Нічога такога з ім няма, каб казаць, што ён кепскі. Ёсць людзі, якія думаюць, што ўсё лепшае насамрэч зроблена ў СССР. І ў нашым аддзеле таксама. Ну гэта такі сцёб, я б сказаў».
***
На тэлеграм-канал «Нашай Нівы» можна падпісацца тут.
-
Як праходзяць палявыя зборы ў школьнікаў — штурмаваць акопы і разбіраць аўтаматы вучаць і дзяўчат
-
Лукашэнка заклікаў Арменію быць акуратнай. «Каб не паўтарыць тое, што адбылося ва Украіне»
-
Стала вядома пра вызваленне Аляксандра Арановіча — кіроўцы аўтадома «Краіны для жыцця», якога арыштавалі разам з Ціханоўскім
Цяпер чытаюць
Лукашэнка нервова пракаментаваў візіт Ціханоўскай у Кіеў35
Каментары